RUHAGOYACU.com RUHAGOYACU kuri Youtube RUHAGOYACU kuri Twitter RUHAGOYACU kuri Facebook
Amakuru Ashyushye Yanditswe kuya 18-08-2017 saa 23:58'  -  Abafana ba Rayon Sports bagiye kugarura Ismaila Diarra mu ikipe  |  Yanditswe kuya 18-08-2017 saa 17:06'  -  Ndoli Jean Claude na Crespo bamaze kugurwa na Kiyovu Sports  |  Yanditswe kuya 18-08-2017 saa 15:36'  -  Djabil wifuzwaga na Mukura yongereye amasezerano mu Amagaju  |  Yanditswe kuya 17-08-2017 saa 16:42'  -  Kiyovu yasinyishije Di Maria wari ukiganira na Rayon Sports  |  Yanditswe kuya 17-08-2017 saa 15:18'  -  Abafatabuguzi ba Star Times bagiye kuryoherwa na shampiyona zikomeye z’i Burayi na NBA
Rayon Sports niduhura yatwaye igikombe tuzayikomera amashyi-Mulisa Jimmy
Print Comments: 16 Share on Facebook Share on Twitter Text Size

Umutoza w’ikipe ya APR FC Jimmy Mulisa atangaza ko ikipe ya Rayon Sports bazahura ku munsi ubanziriza u wa nyuma wa shampiyona, nibajya guhura igikombe yaragitwaye, bazayishimira nk’uko ahandi bikorwa.

Ibi byose biri kugarukwaho nyuma yaho bigaragaye ko Rayon Sports ishobora kuzahura na APR FC muri Classico y’u Rwanda, Rayon Sports yaramaze gutwara igikombe cya shampiyona y’icyiciro cya mbere, bikaba byaviramo APR FC kuyiha icyubahiro mbere y’umukino.

Ibi abakunzi ba Rayon Sports babifata nk’igitego cy’umutwe bazaba batsinze mukeba naramuka abakomeye amashyi abatanze, unasanga muri iyi minsi benshi basa nk’ababitegereje kureba ko bizakorwa.

Ku ruhande rw’umutoza Jimmy Mulisa, we avuga ko ataramenya niba bazakomera amashyi Rayon Sports kuko bataratwara igikombe cya shampiyona, ariko biramutse bibayeho ko bahura yaragitwaye, gushimira ikipe yitwaye neza bibaho.

JPEG - 148.9 kb
APR FC na Rayon Sports zirahangana cyane, harimo no gutwarana abakinnyi bakomeye

Aganira na Radio 10 yagize ati, " Kugeza ubu sinzi niba tuzabikora cyangwa tutazabikora (Gukoma amashyi), kuko Rayon Sports itaratwara igikombe cya shampiyona."

" Ubu rero sindamenya icyo tuzakora, gusa gu felicita (gushimira) ikipe yatwaye igikombe, igihe bagitwaye byabaho, ariko nyine ntibaratwara shampiyona, reka turebe tuzamenye icyo tuzakora."

Bimaze kuba umuco hirya no hino ku isi, ko ikipe yatwaye igikombe cya shampiyona, iyo muhuye yaramaze kugitwara, ikipe bagiye gukina ikora imirongo 2, abakinnyi bagacamo, bagakomera amashyi uwatsinze.

JPEG - 144.9 kb
Umukino wa Rayon Sports na APR FC aba ari ishiraniro

Ntabwo ari itegeko hirya no hino ku isi, bivuga ko ikipe ishaka yabikora cyangwa ntitange icyo cyubahiro, ariko akenshi usanga amakipe agize ibibazo agahura n’ikipe yamaze kugitwara, yiyakira, agakora imirongo 2, agaha icyubahiro ababashije gukora ibyo mwe mutashaboye uwo mwaka.

Nko kuri uyu wa mbere muri shampiyona y’icyiciro cya mbere mu Bwongereza, Watford, iraza gukora imirongo 2, ubundi ihe icyubahiro ikipe ya Chelsea, yagukanye Premier League, ku wa 5 w’icyumweru gishize, ifatanyije n’abasifuzi, barayobora uyu mukino.

Shampiyona y’u Rwanda igeze ku munsi wa 26 wayo, ariko Rayon Sports imaze gukina imikino 25, ikaba ifite ikirarane na Mukura VS kuri uyu wa gatatu.

Rayon Sports nitsinda uyu mukino, nta kabuza izahita yegukana shampiyona, kuko irusha ikipe ya APR FC ya 2 amanota 10. Iramutse itsinze Mukura VS, aya manota azahita aba 13, hasigaye imikino 4 gusa, bitakunda ko hagira ufata Rayon Sports, niyo yatsindwa imikino yaba isigaye yose.

Biramutse bigenze uku, amakipe 4 atarahura na Rayon Sports yose, yazayikomera amashyi, uhereye kuri Pepiniere izakurikizaho ku wa 6, Etincelles, APR FC na Kiyovu Sports zizahura ku munsi wa nyuma wa shampiyona.

Iki cyubahiro gitangwa mu mikino gikomoka mu bihugu bigize commonwealth, ariko bisa nk’aho uko imyaka yicuma, kigenda gisakara hirya no hino ku isi.

Mu ntangiriro z’ikinyejana cya 21, nibwo byasakaye cyane, ugasanga umukinnyi wakoze ibikomeye ahawe iki cyubahiro, umutoza ukomeye cyangwa umkinnyi usezera, ikipe yatwaye igikombe n’ibindi.

Bitangira gushyuha, amakipe amwe na mwe yagiye yanga kubikora kubera ubukeba asanganywe, ariko ubu, bisigaye bikorwa, ni ubwo ubikora aba atabyishimiye.

Amwe mu makipe yahaye icyubahiro abakeba, bikagarukwaho cyane:

5. Man United ikomera amashyi Chelsea muri 2005

JPEG - 96 kb
Manchester United iha icyubahiro ikipe ya Chelsea

Chelsea ya Jose Mourinho, yegukanye igikombe cya shampiyona muri 2004/05. Iyi kipe yagombaga gusura Manchester United mu minsi ya nyuma, ikaba yaraje gukomerwa amashyi Old Trafford na Manchester, inahatsindira iyi kipe ibitego 3-1, byashimangiye ubuhangange bwa Chelsea yari imaze kubona amafaranga ya Abramovic.

4. Liverpool ikomera amashyi Chelsea muri 2015

JPEG - 66.3 kb
Liverpool yakomeye amashyi ikipe ya Chelsea

Aha kari agahinda gakomeye ku ikipe ya Liverpool, yahushije ku munota wa nyuma igikombe umwaka wabanje, ubwo Chelsea yabatsindiraga ku kibuga cyabo ibitego 2-0. Muri uyu mukino utazava mu mitwe y’abakunzi ba Liverpool, niho Gerald yanyereye, Demba Ba arabatsinda.

Umwaka wakurkiyeho Liverpool yasuye Chelsea ifite umujinya, ariko iyikomera amashyi.

3. Rangers FC ikomera amashyi Hearts FC – 2014/15

JPEG - 168.2 kb
Abafana ba Rangers bavuga ko ibihe bibi bagize, ari ibihe bakomeye amashyi Hearts

Rangers ni imwe mu makipe yihagazeho cyane muri Scotland. Mu myaka 5 ishize aygiye ihura n’ingorane nyinshi, harimo no ku manurwa mu byiciro byo hasi.

Gusa abakunzi b’iyi kipe bavuga ko igihe kibi bagize, ari ubwo bakomeraga amashyi ikipe ya Hearts bahuye mu mpera za shampiyona yaramaze gutwara igikombe bakayikomera amashyi, nta n’ikindi gihe nk’iki bazahura nacyo. Bamwe bavuga ko byabababaje kurta bashyirwa mu cyiciro cya 3.

2. Arsenal ikomera amashyi Man United (2013)

JPEG - 374.4 kb
Arsenal ikomera amashyi Man United

Uyu ni undi mukino wahuje abakeba 2 mu Bwongereza aho Arsenal yakomeye amashyi Manchester United.

Aya makipe yahoze mu minsi ishize azirana urunuka, kugeza ubwo yose asa nk’atangiye gusubira inyuma, akaba asigaye ajya guhura bisa nka gicuti.

Muri 2013, rutahizamu w’umuholandi Van Persie yavuye muri Arsenal ajya muri Manchester United, yafashije kwegukana igikombe cya shampiyona cya 20.

Ubwo yajyaga muri iyi kipe, abafana benshi ba Arsenal byarababaje, binagera aho aya makipe yagiye guhura Man United yaramaze gutwara shampiyona, abafana basaba ko ikipe itakomera amashyi Manchester, ariko umutoza Wenger, avuga ko azubaha uyu muco, birangira Arsenal ibikoze.

1. Barcelona ikomera amashyi Real Madrid (2008)

Barcelona ikomera amashyi Real MadridBarcelona ikomera amashyi Real Madrid

Aya niyo makipe muri ibi bihe bya vuba ahangana kurusha andi yose mu kibuga, ku isi atari no muri Espagne gusa.

Ubwo izi kipe zahuraga mu mpera ya shampiyona ya 2008, Real Madrid yari yaramaze gutwara igikombe cya shampiyona, maze ikomerwa amashyi na mukeba, utarababaniye mu kibuga ariko, abatsinda ibitego 4-1.

Ese APR FC izakomera amashyi Rayon Sports? iminsi izatubwira.......

rulove Kuya 20-05-2017 saa 10:11'

ruhago si intambara kuko Rayon mwarabikoreye pe! tuzabaguriza ariko uwo mwenda muzawutwishyure dore ko nabonye Rayon mudatinya no kuraranya abakinnyi? ubwo rero nimuraranya tuzabashyiramo undi mwaka ni ukwitonda rero?

Hacleo Kuya 19-05-2017 saa 09:45'

Twarasinye abafana bawe Rayon!uri gikundiro koko!n’umwaka utaha tuzakuba inyuma kabisa.naho apr turabababaje nuko mutumva!amashyiyo mugomba kuyatanga.

janvier Kuya 18-05-2017 saa 15:13'

Va ku izima utazabishya ikirori usebya ubunyamwuga bwiyubaka.Erega Ni amateka nubona ari meza wubaka uzagumane amashyi yawe izindi zizayatanga. Rayon yikomereze. icyo ushaka ko bagukorera ujye ugikorera abandi.

knc Kuya 18-05-2017 saa 14:45'

Iyi se ko ari insinzi kubantu Bose bakunda amahoro ,uretse abahorana amaganya baririmba uburozi!ahubwo uriya minsi umukona wese ategetswe kuyakoma ahahaha !Dore uko gahunda iteye ahubwo iburasirazuba tuzahagurukira ikayonza,amajyaruguru ni kuri nyirangarama ,amajyepfo ni Ku ijuru rya kamonyi ,iburengerazuba tuzahagurukira I nyange hafi y’igicumbi cy’intwari !Icyitonderwa abafana b’andi makipe bayobowe n’abayoboke b’ibikona bategetswe guhagara iburyo n’ibumoso bw’imihanda abakunzi b’ikipe yiwa GIKUNDIRO bagatambuka bakomerwa amashyi .Iri tangazo rirareba abasiportifu Bose !!!

samed Kuya 17-05-2017 saa 13:21'

WAP ibyo babyivugane rayon ntitwayikomera amashyi barababeshye

-####- Kuya 17-05-2017 saa 07:26'

Ariko abarayon nibitangaza koko ikipe yanyu ikoresha amarozi ntawayikomera amashyii esubwo kwaba arukuyishimira ko yashebeje abanyarwanda ahubwo izasabe imbabazi kwitazongera gukoresha amarozi

sosso Kuya 16-05-2017 saa 14:38'

Apr ni ikipe we mujye mureka amatiku naho gukomerwa amashyi ndumva ntagitangaza kirimo rwose.tuzayabakomera rwose arko umwaka utaha mumenye ko muzatwishyura

TWAMU UWAYO Salim Kuya 16-05-2017 saa 07:20'

Ariko nitukagire ibintu intambara pe ,abasportif bagira faireplay gukoma amashyi nagikuba kiba cyakitse.ishyari ryiza nuko na Apr yakora iyo bwabaga ubutaha kumunsi nkuyu nayo Gikundiro ikazakomerwa amashyi.

sabin Kuya 16-05-2017 saa 05:39'

ntabwo Apr Yakoma amashyi kubareyon cyangwaburozi fc muravugishwa kuberamutaherukaga ikitwachampion tuzareba

umuntu Kuya 16-05-2017 saa 01:03'

Ikipe yarabikoreye, mirongo izakorwe, sinzi niba itazongera ikanayakomerwa undi mwaka

1 | 2

  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye nâ€â„¢inkuru cyangwa gitandukiriye amahame agenga abasiporitifu kirasibwa.
    Murakoze!

Urutonde rwa shampiyona y’icyiciro cya mbere 2016 - 2017.
Shampiyona yarangiye ku munsi wa 30
  N∘   Ikipe Imikino Ibitego Amanota
01Rayon Sports304373
02Police FC302461
03Apr FC301957
04As Kigali301353
05Bugesera FC301350
06Musanze FC30245
07Etincelles FC30-440
08Espoir FC30239
09Sunrise FC30-533
10Amagaju FC30-833
11Kirehe FC30-632
12Mukura VS30-1432
13Marines FC30-1530
14Gicumbi FC30-2128
15Kiyovu sports30-1627
16Pepiniere FC30-2717
  N∘   Ikipe Imikino Ibitego Amanota
Urutonde rurambuye


Urutonde rwa batsinze ibitego byinshi

Nimero Amazina Ibitego
01USENGIMANA Danny19
02Wayi Yeka18
03MICO Justin15
Nimero Amazina Ibitego
Urutonde rurambuye rwa ba rutahizamu


Imikino iteganyijwe gukinwa

Gicumbi Stadium
Thursday, 15 June 2017 15:30
flag GICUMBI 1 - 3 PEPINIERE flag
 Suleyman M. (1)
  Hassan W. (1)
 Mouhamed K. (2)
Huye Stadium
Thursday, 15 June 2017 15:30
flag MUKURA 0 - 1 KIREHE flag
  Frank M. (1)
Mumena Stadium (Stade de l'Amitie)
Thursday, 15 June 2017 15:30
flag KIYOVU 1 - 2 RAYON flag
 Andre L. (1)
  Kone T. (1)
 Pierrot K. (1)
Nyagisenyi Stadium
Thursday, 15 June 2017 15:30
flag AMAGAJU 0 - 1 ETINCELLES flag
  Salita Gentil K. (1)
Muhanga Stadium
Thursday, 15 June 2017 15:30
flag APR 1 - 2 BUGESERA flag
 Djamar M. (1)
  Farouk R. (1)
 Samson I. (1)
Kamarampaka Stadium
Thursday, 15 June 2017 15:30
flag ESPOIR 0 - 1 AS KIGALI flag
  Michel N. (1)
Kicukiro Stadium
Thursday, 15 June 2017 15:30
flag POLICE 4 - 2 MARINES flag
 Danny U. (1)
 Japhet I. (1)
 Justin M. (2)
  Bertin D. (1)
 Jimmy M. (1)
Ubworoherane Stadium
Thursday, 15 June 2017 15:30
flag MUSANZE 1 - 0 SUNRISE flag
 Yeka W. (1)