RUHAGOYACU.com

Rayon Sports ntiyishimiye gutera mpaga Onze Créateurs - Bakame

Kapiteni w’ikipe ya Rayon Sports Ndayishimiye Eric Bakame, atangaza ko nubwo ari byiza ko ikipe ye igeze mu cyiciro cya gatatu cy’amajonjora y’imikino nyafurika, gusa ko byari kuba byiza kurushaho iyo bakina umukino bagasezerera Onze Créateurs bari guhurira mu kibuga kuri uyu wa gatandatu.

Ibi uyu munyezamu akaba yabitangaje nyuma yaho impuzamashyirahamwe y’umupira w’amaguru ku mugabane wa Afurika CAF, ihamije burundu ko imikino yagombaga guhuza Onze Createurs na Rayon Sports hamwe n’uwa Djoliba na Al Masry yo mu Misiri itakibaye,kugirango hashyirwe mu bikorwa icyemezo cya FIFA cyo guhagarika ishyirahamwe ry’umupira w’amaguru muri Mali.

Onze Créateurs yakoreye imyitozo kuri stade Amahoro ku mugoroba wo kuri uyu wa gatanu nubwo yari ibizi ko itari buze kuhakinira bukeyeOnze Créateurs yakoreye imyitozo kuri stade Amahoro ku mugoroba wo kuri uyu wa gatanu nubwo yari ibizi ko itari buze kuhakinira bukeye

Rayon Sports yari imaze iminsi mu mwiherero w’umukino wayo yari bukine kuri uyu wa gatandatu, yaje kumenya iyi nkuru mu gitondo cyo kuri uyu wa gatanu, gusa ngo abakinnyi ntabwo bahise babiha agaciro nkuko kapiteni w’iyi kipe Ndayishimiye Eric bakunze kwita Bakame yabitangaje.

Twabimenye mu gitondo tubisomye mu bitangazamakuru. Urebye ku ikubitiro ntabwo twabanje kubyemera ndetse n’abayobozi n’abatoza bahise batubwira kubyirengagiza dukora imyitozo nkuko bisanzwe. Ku i saa munani(14:00) ni bwo baje kutubwira ngo twitahire kuko tutagikinnye”.

Uyu munyezamu wa mbere w’ikipe y’igihugu Amavubi, yaje kongeraho ko bamwe muri bo batitereye mu kirere ubwo inkuru yabaga kimomo ko bakomeje, cyane ko ku bwe yari kwifuza ko bazakina umukino n’iyi kipe yo muri Mali bakayisezerera bose babireba.

Bakame yagize ati: “Urebye uretse abakinnyi bakiri bato, benshi mu bamenyereye ntabwo byadushimishije cyane. Twari twiteguye umurindi wo kuri stade Amahoro ku munsi w’ejo, tugakina tugatsinda, twari twariteguye uyu mukino cyane. Gusa turishimye ko tugeze muri iki cyiciro”.

Bakame na Rayon Sports ngo bari biteguye gukomeza batsinze atari kuri mpagaBakame na Rayon Sports ngo bari biteguye gukomeza batsinze atari kuri mpaga
Abafana kuri uyu wa gatandatu ngo bari butume intsinzi iryoha kurushahoAbafana kuri uyu wa gatandatu ngo bari butume intsinzi iryoha kurushaho

Rayon Sports nyuma yo gusezerera AS Onze Créateurs de Niaréla idakinnye, izategereza tombola ikipe izayiha mu makipe16 azaba yasezerewe muri CAF Champions League. Imikino ibanza biteganyijwe ko izakinwa hagati y’amatariki ya 7 na 9 Mata 2017, mu gihe iyo kwishyura izaba nyuma y’icyumweru kimwe aho amakipe azakomeza azahita agana mu matsinda.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. pascal

    Kuya 19-03-2017 saa 20:10'

    apr nituze nishima cyane iyo as Kigali Palice apr binganyije cg bitsinzwe tureke indangare dusatire igikombe

  2. ema

    Kuya 19-03-2017 saa 03:36'

    Gikona yanyu muyivuyeho kko iri gutsindwa ikanganya ,ngo muzafana izakina na rayon?ngo irarokotse?muhumure zanaco bazayihana mwongere mukine uretseko nubwo yashyiramo 9 ntimwabatsinda,ubuse mwebwe wawu saramu mwari kuyishobora?mwari guhamiriza bimwe byanyu mukitahira mwebwe sha?turabazi nubujura bwanyu numva ngo gushaka abanyamahanga igihe mwari mubafite mwagezehe?

  3. claude

    Kuya 18-03-2017 saa 16:20'

    REYON izahura na yanga

  4. ERIC

    Kuya 18-03-2017 saa 10:58'

    IKIPE YIMANA IRAKOMEYE NUBUNDI TWARI KUYISEZERERA IGIKONA CYIRAMWAYE PE INIFOMU BAGUZE BARAZIMAZIKI

  5. nsanzimana

    Kuya 18-03-2017 saa 07:58'

    rayon ishema ryacu.

  6. Bwiza

    Kuya 18-03-2017 saa 07:39'

    congs Rayon!!!!!

  7. RUTO

    Kuya 18-03-2017 saa 04:04'

    Rayon yabanje guhura nimpunzi irishima ngo iratsinze none ibonye indi nzira y ubusamo ni hahandi izatsindwa tu.

  8. bosco

    Kuya 18-03-2017 saa 02:24'

    gasenyi igize amahirwe yari gusebera ikigali none ngo barababaye batayisezereye bose babireba ko mutayitsindiye se muri Mali?

  9. liza

    Kuya 18-03-2017 saa 01:34'

    ariya matariki ko mpona nayo ashobora kugorana natwe bakadukubita mpaga, abo bireba nibatangire babikoreho hakiri kare,binjirire FIFA na CAF si non FERWAFA cg Rayon bashobora kurya ibihano igihe match yaba itabaye bitewe n’impamvu za politique.

  10. vava

    Kuya 18-03-2017 saa 00:19'

    Rayon nkabakunda njyewe ubwanjye nivuganiye nabamwe muribo ibyishimo byabarenze .ariko bangiye bareka kwiyemera koko barusimbutse..ibyo onze yari kubakorera byari kuzababaza nka season eshatu zikurikira...gusa ntaho barangera bazabitwereka aho kurikiye singaha ahondi

  11. 1 | 2


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru