RUHAGOYACU.com

RuhagoYacu izabagezaho LIVE umukino Everton vs Gor Mahia na Tanzania vs Rwanda

RuhagoYacu yohereje Umunyamakuru Jado Dukuze gufasha abanyarwanda gukurikirana imikino ibiri ikomeye muri Afurika y’Iburasirazuba iteganyijwe muri iki cyumweru, aho azahera ku uzahuza Everton ya Wayne Rooney na Gor Mahia ya Migi, Tuyisenge Jacques na Kagere Meddie, ndetse n’undi uzahuza Tanzania n’u Rwanda.

Kuwa kane tariki ya 13 Nyakanga 2017 hateganyijwe umukino uzahuza Everton yo mu Bwongereza na Gor Mahia yo muri Kenya yegukanye irushanwa rya SportPesa mu kwezi gushize, uwo ukazaba ari umukino wa gicuti uzaba ugamije no gufasha iyo kipe yo mu Bwongereza gutangira imyiteguro ya shampiyona y’umwaka utaha.

Umunyamakuru Jah d'eau Dukuze azabagezaho iyo mikino LIVE kuri RuhagoYacu.com, ndetse nyuma gato muzabasha gukurikirana ibyegeranyo kuri iyo mikino yombiUmunyamakuru Jah d’eau Dukuze azabagezaho iyo mikino LIVE kuri RuhagoYacu.com, ndetse nyuma gato muzabasha gukurikirana ibyegeranyo kuri iyo mikino yombi

Everton ibarizwamo abakinnyi bayikiniraga mu mwaka wa shampiyona ushize, ndetse n’abandi bashya barimo Wayne Rooney kapiteni w’Ikipe y’igihugu y’u Bwongereza wayigarutsemo nyuma y’imyaka 13 yari amaze muri Manchester United, mu gihe Gor Mahia yo ibarizwamo abanyarwanda Meddie Kagere, Jacques Tuyisenge na Mugiraneza Jean Baptiste ’Migi’ndetse n’umurundi Nizigiyimana Kharim ‘Makenzi’.

Uyu mukino uzaba ari uwa gicuti ariko uvuze byinshi kuri abo bakinnyi b’Abanyarwanda ndetse na Gor Mahia muri rusange, RuhagoYacu izawubagezaho ’LIVE’, kuko yohereje Umunyamakuru Jado Dukuze uza guharuka i Kigali mu ijoro ry’uyu wa kabiri rishyira kuwa gatatu, yerekeza i Dar es Salaam ahazabera uwo mukino.

Nyuma y’uwo mukino wa Everton na Gor Mahia, Jado Dukuze azerekeza i Mwanza ho muri icyo gihugu cya Tanzania, ahateganyijwe kubera umukino uzahuza Tanzania n’u Rwanda mu majonjora y’igikombe cya Afurika gikinwa n’abakina imbere mu gihugu (CHAN 2018), uwo mukino ukazaba mu mpera z’iki cyumweru.

Kagere na Tuyisenge ni ba rutahizamu ngenderwaho muri K'Ogalo (Gor Mahia)Kagere na Tuyisenge ni ba rutahizamu ngenderwaho muri K’Ogalo (Gor Mahia)

Uyu mukinnyi azajya yambara nimero 10 yambarwaga na LukakuUyu mukinnyi azajya yambara nimero 10 yambarwaga na Lukaku

Everton yakoze imyitozo uyu munsi, iyi yitabiriwe na RooneyEverton yakoze imyitozo uyu munsi, iyi yitabiriwe na Rooney

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. mujero

    Kuya 12-07-2017 saa 14:56'

    Mundandingire aho nsoma liste y amavubi azajya Tanzania ejo disi mwe


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru