RUHAGOYACU.com

RUHAGOYACU Ltd yemerewe guhagararira abakinnyi ihiga kuzamura urwego rwa ruhago nyarwanda

Ruhagoyacu LTD yarangije guhabwa uburenganzira bwo kuba yaba umuhuza w’abakinnyi n’amakipe cyangwa se amakipe n’abakinnyi, nkuko itegeko ry’ishyirahamwe ry’umupira w’amaguru ku isi ribyemeza.

Kuva mu mwaka wa 2009, ishyirahamwe ry’umupira w’amaguru ku isi Fifa, ryatangiye gutekereza uburyo ryanoza imikorere y’abantu bahagararira abakinnyi mu mategeko, higwa uburyo ibi byakorwa ku nyungu z’impande zombi kandi nta mananiza ashyizwemo.

Ferwafa yahamije ko Ruhagoyacu ihawe uburenganzira bwo guhagararira abakinnyi ku buryo bwemewe n'amategekoFerwafa yahamije ko Ruhagoyacu ihawe uburenganzira bwo guhagararira abakinnyi ku buryo bwemewe n’amategeko

Ibi byatumye mu nama ya komite nyobozi ya FIFA yabaye tariki ya 21 Gicurasi 2014, hemezwa ko ibi byajya bikorerwa ku rwego rw’amashyirahamwe ya ruhago ku isi, aho gutegereza ko FIFA aba ari yo itanga abazaba aba ‘Agents”. Iri tegeko ryaje gutangira gukurikizwa kuva muri Mata 2015 aho inyito y’aba bahagararira abakinnyi yaje kuva ku kwitwa aba ‘agents’ ahubwo bitwa abahuza, “intermediaries”.

RUHAGOYACU Ltd muri gahunda yo guteza imbere imikino mu Rwanda by’umwihariko umupira w’amaguru, ikaba kuva mu kwezi kwa gatatu uyu mwaka wa 2017, na yo yaratangiye gukusanya ibisabwa ngo ibone uburenganzira bwo guhuza abakinnyi n’amakipe bakinamo/bifuza gukinamo, byose bigakorwa ahanini ku nyungu z’umukinnyi, nkuko Joseph D’alembert uyobora uru rubuga yabidutangarije.

“Igitekerezo tukimaranye iminsi, kuko buri gihe twandikaga inkuru z’abakinnyi bahuye n’ibibazo, abasezerewe nta mperekeza, abasinye amasezerano yanditse nabi, abadafatwa nkuko byagakwiye n’ibindi”.

Ibi byatumye twicara turavuga tuti ese ubu ntacyo twabafasha. Twicaranye n’abanyamategeko bacu tubona hari uburyo bwa nyabwo twakorana n’abakinnyi bo mu Rwanda tukajya tubafasha gukora amasezerano ndetse tukabashakira amakipe haba mu Rwanda no mu mahanga”.

“Twari twaranze kubikora mu buryo budakurikije amategeko, ariko ubu turatangiye. Intumbero yacu ni ukuzamura urwego rw’umupira w’igihugu, duhereye mu bawukina ari bo bakinnyi”.

Uyu muyobozi wa RUHAGOYACU Ltd, yadutangarije ko ku ntango hari abakinnyi bari bifuje gukorana na RuhagoYacu LTD, gusa ko imiryango igifunguye no ku bandi babyifuza, aho nibaramuka bumvikanye nta kibazo batangira gukorana na RuhagoYacu.

Joe D'Alembert(wa mbere ibumoso) ngo Ruhagoyacu yiteguye gufasha abakinnyi b'abanyarwanda bakagera ku rundi rwegoJoe D’Alembert(wa mbere ibumoso) ngo Ruhagoyacu yiteguye gufasha abakinnyi b’abanyarwanda bakagera ku rundi rwego

RuhagoYacu ni umushinga watangiye ari Blog ugitangira hari intego yo gutangaza amakuru meza kandi ashimisha abakunzi b’imikino mu Rwanda n’abanyarwanda muri rusange.

Blog yaje gukundwa biba ngombwa ko hashingwa website kuko hari byinshi byari bimaze kuboneka byagezwa ku bakunzi ba ruhago mu Rwanda ndetse n’abari mu mpande zose z’isi. Kuri ubu RUHAGOYACU yaje kwaguka ndetse mu minsi ya vuba, ikazatangira no kwandika mu ndimi z’igiswayile n’icyongereza aho kuri ubu infante serivisi nyinshi tanga.

Mino Raiola ni umwe mu bamaze kumenyekana mu kuvuganira abakinnyi bahagarariye. Aha yari kumwe na Romelu Lukaku. Ruhagoyacu ngo ni yo nziraMino Raiola ni umwe mu bamaze kumenyekana mu kuvuganira abakinnyi bahagarariye. Aha yari kumwe na Romelu Lukaku. Ruhagoyacu ngo ni yo nzira

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. sedrick

    Kuya 9-07-2017 saa 11:06'

    congratulations dear

  2. hgy

    Kuya 7-07-2017 saa 18:22'

    Ni gahunda nziza muxayikore neza.

  3. knc

    Kuya 7-07-2017 saa 07:29'

    OK!noneho tumenye abo muibo,n’uruhande muherereyeho.

  4. Zamu

    Kuya 7-07-2017 saa 07:19'

    Congratulations dear


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru