RUHAGOYACU.com

Umugore wa Gatera Moussa utoza Isonga FC yapfuye

Hatarashira n’icyumweru afashije ikipe y’Isonga FC kuzamuka mu cyiciro cya mbere, Umutoza Gatera Moussa yagize ibyago apfusha umugore we witwa Amina wari umaze iminsi ine mu bitaro.

Mu gitondo cy’uyu wa gatanu tariki ya 23 Kamena ni bwo haramutse hakwirakwizwa itangazo ku mbuga nkoranyambaga, ribikira Umuryango wa Gatera Moussa, rivuga ko yagize ibyago agapfusha umugore we wari urwariye mu Bitaro bya Kigali CHUK.

Amakuru agera kuri RuhagoYacu avuga ko Umugore wa Gatera Moussa yishwe n’indwara ya Diyabete yari amaranye igihe ariko atabizi ko ari yo arwaye.

Kuwa mbere w’iki cyumweru ni bwo nyakwigendera yafashwe, ahita aremba maze bamujyana kwa muganga, ariko aza guhita agwa muri koma kuva uwo munsi kugeza ubwo yashiragamo umwuka mu rukerera rw’uyu wa gatanu tariki ya 23 Kamena.

Nyakwigendera Amina yari afite imyaka 31, akaba asize abana babiri, umukuru akaba afite imyaka 3 n’aho umuto akagira umwaka n’amezi abiri.

Nyakwigendera Amina arashyingurwa kuri uyu wa gatanu tariki ya 23 Kamena saa saba (1:00pm) mu irimbi ry’Abayisilamu riri i Nyamirambo.

Gatera Moussa apfushije umugore mu gihe yiteguraga gukina umukino wa nyuma w'icyiciro cya kabiri Isonga FC izahuramo na Miroplast FC nihatagira igihindukaGatera Moussa apfushije umugore mu gihe yiteguraga gukina umukino wa nyuma w’icyiciro cya kabiri Isonga FC izahuramo na Miroplast FC nihatagira igihinduka

Isonga FC yazamutse mu cyiciro cya mbere ni umusaruro w'indashyikirwa wa gatera Moussa benshi bashimaIsonga FC yazamutse mu cyiciro cya mbere ni umusaruro w’indashyikirwa wa gatera Moussa benshi bashima

Gatera Moussa ni Umutoza uhorana Morali, ndetse abakinnyi be bamufata nka Papa wabo ndetse na Mukuru waboGatera Moussa ni Umutoza uhorana Morali, ndetse abakinnyi be bamufata nka Papa wabo ndetse na Mukuru wabo

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. Alexis

    Kuya 24-06-2017 saa 10:11'

    IMANA yaki nyakwigendera mu bayo kandi imuhe iruhuko ridashira

  2. gtu

    Kuya 23-06-2017 saa 12:23'

    niyihangane mu buzima niko bigenda

  3. Elyse

    Kuya 23-06-2017 saa 10:25'

    nkabakunzi ba sports twihanganishije coach gatera moussa akomeze kwihangana muri ibibihe bibi bitoroshye byokubura umutambukanyi wiwe kdi nyakwigendera imana imwakire mubayo

  4. djifa

    Kuya 23-06-2017 saa 10:04'

    INA LILLAH WA INA ILAIH RADJIUNA. UNUVANDIMWE AKOMERE


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru