RUHAGOYACU.com

Umutoza Okoko Godefroid, Umufana ukomeye wa Bull Dogg mu muziki

Umutoza wa Gicumbi FC, Okoko Godefroid burya ngo nyuma yo gukora neza akazi ke akanabona umusaruro, afata umwanya wo gukurikirana umuziki, ariko ngo akunda bidasanzwe Umuhanzi Nyarwanda witwa Bull Dogg ndetse n’Itsinda ryitwa Active.

Buri wese agira amarangamutima, ndetse si na benshi bajya babasha kuyaha icyerekezo. Umutoza Okoko na we ni umwe muri abo, kuko yisanze akunda umuhanzi Bull Dogg ndetse n’itsinda ryitwa Active, gusa ngo umuziki wabo awubyinira mu cyumba cye cyangwa yasohoka akagenda akirebera aho bacuranga gusa.

Mu kiganiro n’Abanyamakuru nyuma y’aho ikipe ye ya Gicumbi FC yari imaze gutsinda Musanze FC ibitego 2-1, Umutoza Okoko yatangaje ko akunda cyane Bull Dogg na Active, kuko ngo bamwibutsa kandi bakamukumbuza Ubusore bwe.

Ati “Jyewe ndi umufana w’umuziki rwose. Abahanzi nkunda ni babiri, umwe ni Bull Dogg hanyuma uwundi bamwita Active, ndabakunda pe! Baracuranga neza bakanyibutsa ingene (uburyo) nari mfite imyaka 17,18 ndetse na 19.”

Umutoza Okoko ngo akunda umuziki ariko Bull Dogg yamutwaye umutimaUmutoza Okoko ngo akunda umuziki ariko Bull Dogg yamutwaye umutima

Icyakora ngo Umuziki w’abo bahanzi awubyinira mu cyumba cye wenyine, kuko akenshi aba Atari kumwe n’umugore we ngo basohokane.

Uretse kuba abakunda gusa, yanabageneye ubutumwa, aho yababwiye ati “Umuntu ni we wigira umuntu, barusheho mu byo bakora, bagire umuhate mu guhanga ibishya, bakore cyane bazatera imbere rwose.”

Bull Dogg ni umuhanzi nyarwanda mu njyana ya Hip Hop. Ubusanzwe yitwa Ndayishimiye Bertrand. Yamenyekanye cyane mu mwaka wa 2008 ubwo yasohoraga indirimbo "Umunsi w’Imperuka" igakundwa cyane, nyuma yasohoye iyitwa “Imfubyi” yaririmbanye na The Ben irakundwa bikomeye kuva ubwo Bull Dogg ashinga imizi muri Hip Hop mu Rwanda.

Active ni itsinda rigizwe n’abahanzi b’abasore bose birabura, indeshyo imwe n’urubavu ruto Tizzo, Olivis na Derek, bakaba baratangiye umuziki bakorana nk’itsinda ku itariki 25 Nyakanga 2013, nyuma y’igihe bari bamaze buri wese ari umuhanzi ku giti cye.

Uburyo Tizzo, Derek na Olivis babyina ngo ni Okoko neza neza mu myaka ye nka 17, 18 na 19Uburyo Tizzo, Derek na Olivis babyina ngo ni Okoko neza neza mu myaka ye nka 17, 18 na 19

Ngo iyo yumvise cyangwa abonye ibihangano bya Active na Bull Dogg akumbura ubuto bweNgo iyo yumvise cyangwa abonye ibihangano bya Active na Bull Dogg akumbura ubuto bwe

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. 5

    Kuya 20-06-2017 saa 00:41'

    558


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru