RUHAGOYACU.com

Umwanya wari wahawe Karekezi Olivier muri Rayon Sports wasubijwe ku isoko

Hadaciye icyumweru bitangajwe ko Karekezi Olivier ari we mutoza wa Rayon Sports kandi akitoranyiriza abamwungiriza, uwo mwanya wamaze gusubizwa ku isoko ngo upiganirwe nyuma yo gusanga akazi kari katanzwe mu buryo bunyuranyije n’amategeko.

Inama yahuje Ubuyobozi bw’Umuryango Rayon Sports n’ubwikipe yawo Rayon Sports FC yanzuye kandi itegeka ko umwanya w’umutoza w’iyo kipe ushyirwa ku isoko ugapiganirwa, nyuma y’aho abari bawuhaye Karekezi Olivier bemereye ko hakozwe amakosa mu gutanga ako kazi.

Ubuyobozi bw'umuryango wa Rayon Sports ndetse n'ubw'ikipe ya FC ntabwo bumvikana ku musimbura wa Masudi Djuma wasezeye iyi kipeUbuyobozi bw’umuryango wa Rayon Sports ndetse n’ubw’ikipe ya FC ntabwo bumvikana ku musimbura wa Masudi Djuma wasezeye iyi kipe

Karekezi Olivier n’abari batangajwe ko bazamwungiriza ari bo, Ndikumana Hamad Katauti na Nkunzingoma Ramadhan bahawe akazi n’ubuyobozi bwa Rayon Sports FC.

Nyamara igika cya 10 cy’ingingo ya 28 mu mategeko shingiro (Statut) y’Umuryango Rayon Sports ivuga ko Komite nyobozi ari yo ifite inshingano zo gushaka, gushyiraho no gusezerera abakozi bo mu nzego zinyuranye z’umuryango.

Hashingiwe kuri iyo ngingo, Karekezi Olivier n’abo bamwungirije bari bahawe akazi kandi batangazwa mu buryo bunyuranyije n’uko amategeko shingiro ya Rayon Sports, ari na yo mpamvu inama yateranye kuri uyu wa 21 Nyakanga yanzuye ko iyo myanya y’akazi ishyirwa ku isoko igapiganirwa.

Karekezi Olivier amaze imyaka ibiri abonye Impamyabushobozi yo ku rwego rwa A ku mugabane w'u Burayi (Licence UEFA A)Karekezi Olivier amaze imyaka ibiri abonye Impamyabushobozi yo ku rwego rwa A ku mugabane w’u Burayi (Licence UEFA A)

Ibyo ni na byo bigaragara mu itangazo rigenewe abanyamakuru ryasinyweho na Ngarambe Charles, Umuyobozi w’Umuryango Rayon Sports, rivuga ko icyo cyemezo cyafashwe mu buryo bwo kubaka Rayon Sports binyuze mu mucyo.

Iki cyemezo gifashwe mu gihe byavugwaga ko bamwe mu buyobozi bw’Umuryango Rayon Sports bashakaga ko Masudi Djuma ari we ugaruka gutoza Rayon Sports mu gihe ubuyobozi bw’iyi kipe burangajwe imbere na Gacinya Chance Denys bwo butumva ukuntu umuntu wasezeye akazi ku bushake bwe yakongera kukagarurwaho, ari na ho bwahereye bujya gushaka Karekezi Olivier ngo bumuhe akazi.

Seninga Innocent na we yagarutsweho mu nama ko yarambagijwe ariko akabaca irya mirenge bakamurekaSeninga Innocent na we yagarutsweho mu nama ko yarambagijwe ariko akabaca irya mirenge bakamureka

Karekezi Olivier na we arasabwa gushyikiriza ubuyobozi bw'Umuryango Rayon Sports dosiye ye isaba akazi iherekejwe n'umwirondoro wuzuye (CV)Karekezi Olivier na we arasabwa gushyikiriza ubuyobozi bw’Umuryango Rayon Sports dosiye ye isaba akazi iherekejwe n’umwirondoro wuzuye (CV)

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. ujeneza

    Kuya 25-07-2017 saa 09:49'

    Kwanga ko karekezi yatoza Rayon ntaho bihuriye n’amacakubiri cg ngo ivangura. ibyo nukwitiranya ibintu kandi mu mupira buri wese arwanira ishyaka ikipe ye! ntidushaka karekezi kuko ntaburambe tumubonamo kandi unarebye cariere ye rwose n’umu APR kurusha uko yaba umu rayon, naho aba legend natwe turabafite yemwe na’batoza abana i burayi barahari nabo babazana.

  2. xxxx

    Kuya 24-07-2017 saa 03:42'

    Ariko abantu mushyigikiye ibyo bisaza byibisambo bihora mu kavuyo kadashira ntimuri nkibyo?Bundi buhe R.sport yigeze izana umutoza wabanje gukora ipiganwa?Ni ryari se yari yarigeze itwara ibikombe yikurikiranya uretse kubwa Gacinya?Mubonye amaze kuzana impinduka n’ituze mu equipe none bitangiye kubarya kuko akabaye icwende ntikoga uwamize amacakubiri ahorana umutima uhagaze.Njye nyivuyeho ama equipe adafite akavuyo arahari ibi ndabirambiwe wagira ngo ni abana

  3. Karinganire

    Kuya 23-07-2017 saa 18:54'

    Gusa MASUDI nagaruka mu zaba mushujuguje ikipe n abafana aradutaye arasezeye aho agiye bamwanze ngo aragarutse nyobozi muvuga it areba icyo kintu ni iya rayon cg ifite ibindi igambiriye .Mwagiye mwiha agaciro

  4. Karimu

    Kuya 23-07-2017 saa 14:09'

    Masudi baramushutse ngo asezere hutihuti none yumvishe Karekezi yemeye kuza, atangiye kujayanjwa, wabona muri ziriya nzehe harimo abamubeshyaga.ikipe niyabanyarwanda siyakazu kabantu badashobora guhindukana n’ibigezweho, ubuse n’umwanya wa savio nawo bawushyize kw’isoko????

  5. syliver

    Kuya 23-07-2017 saa 07:45'

    karekezi turamushaka naze adutoze rwose naho masudiwe nakimeze atarase yaratubenze yigize ugihangange kd yaratsinzwe namucyeba 3kose yarangiza akagerekaho nikutwiyemeraho cyakora nasanze ubwenge bwabanyafrica bungana nubwabazungu gusa nuko ubwabanyafrica bufunguye ubwabazungu nikivuge

  6. masudi oye

    Kuya 23-07-2017 saa 04:34'

    gacinya.gabanya kutugurisha karekezi ntitumushaka

  7. masudi oye

    Kuya 23-07-2017 saa 04:34'

    gacinya.gabanya kutugurisha karekezi ntitumushaka

  8. seba

    Kuya 22-07-2017 saa 22:46'

    Nuko isi imeze karekezi we ntakundi gusa muzehe rayoni usenyutse byababaza benshi nubwo ntarimo

  9. Njyew

    Kuya 22-07-2017 saa 22:43'

    Bidasubirwaho ubu mpagaritse gufana rayon sport..
    APR niyo ngiyeho.. Ndashima abayobozi ba rayon sport bampaye imbaraga zo kuyivaho .

  10. YES

    Kuya 22-07-2017 saa 21:31'

    Mana Yacu Ngutuye Ababatoza Bazabone Akazi Muri Reyo Amen.

  11. 1 | 2


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru