RUHAGOYACU.com

Urubanza rw’abakinnyi ba Kiyovu Sports bakurikiranyweho ubwicanyi rwimuwe

Urubanza rw’abakinnyi babiri ba Kiyovu Sports bakurikiranyweho ibyaha bishamikiye ku rupfu rwa Ndahimana Seth wari umukinnyi w’Amagaju FC, rwimuwe nyuma y’aho burinze bwira dosiye yabo itaragerwaho mu zagombaga kuburanishwa kuri uyu wa mbere tariki ya 15 Gicurasi.

Kuwa 28 Mata uyu mwaka ni bwo Ndahimana bamusanze muri ruhurura ku Kimisagara hafi ya ‘Maison des Jeunes’ yapfuye, ariko icyo gihe ntihahita hamenyekana uburyo yapfuyemo, icyakora Polisi y’u Rwanda yahise itangira iperereza.

Kuwa 3 Gicurasi ni bwo byamenyekanye ko mu iperereza ryakozwe na Polisi, hafashwe abakinnyi babiri Twizerimana Martin Fabrice na Rugamba Jean Baptiste bakinira Kiyovu Sports, bikavugwa ko ari bo bari bari kumwe na Ndahimana mu mugoroba yapfuyemo.

Kuri uyu wa mbere tariki ya 15 Gicurasi, ni bwo byari biteganyijwe ko abo basore babiri, Twizerimana na Rugamba baburanishwa ku ifungwa n’ifungurwa ry’agateganyo, ndetse banagezwa ku rukiko rwisumbuye rwa Nyamirambo, ariko burinda bwira bataburanishijwe kubera imanza nyinshi zari ziteganyijwe kuri uwo munsi.

Urubanza rw’abo basore rwimuriwe kuwa kane tariki ya 18 Gicurasi, uwo munsi akaba ari wo bazamenyeshwa ibyaha baregwa maze bakabyisobanuraho, nyuma yo gusesengura ibimenyetso by’ubushinjacyaha n’ibisobanuro by’abaregwa, hakazamenyekana niba bazakomeza gukurikiranwa bafunze cyangwa bazaburana bari hanze.

Ndahimana Seth w’imyaka 19 yapfuye mu ijoro ryo kuwa 27 rishyira kuwa 28 Mata, bikavugwa ko yari kumwe na Rugamba na Twizerimana nyuma y’umukino wari umaze guhuza Kiyovu Sports na Etoile de l’Est mu gikombe cy’Amahoro.

Ndahimana Seth wapfuye akiri muto yari umukinnyi mu ngimbi z'Amagaju FCNdahimana Seth wapfuye akiri muto yari umukinnyi mu ngimbi z’Amagaju FC

Ndahimana (ubanza ku ruhande ibumoso) yari umwe mu bazakinira Amagaju FC mu mwaka utaha wa shampiyonaNdahimana (ubanza ku ruhande ibumoso) yari umwe mu bazakinira Amagaju FC mu mwaka utaha wa shampiyona

Twizerimana Martin (wambaye nomero 8) ni we wafashwe mbereTwizerimana Martin (wambaye nomero 8) ni we wafashwe mbere

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru