RUHAGOYACU.com

Yanga, Simba na Tusker ziri kurwanira Iranzi wendaga kugaruka muri APR FC

Yanga Africans na Simba SC zo muri Tanzania, ndetse na Tusker yo muri Kenya zirimo kurwanira Iranzi Jean Claude wendaga kugaruka muri APR FC nyuma yo gusesa amasezerano mu ikipe yakinagamo ya MFK Topvar Topoľčany yo mu kiciro cya gatatu muri Slovakia.

Mwanaspoti dukesha iyi nkuru itangaza ko Iranzi Jean Claude yamaze gukingurirwa imiryango n’amakipe atandukanye yo mu Karere ka Afurika y’Iburasirazuba, arimo Yanga Africans na Somba SC zo muri Tanzania, hakiyongeraho n’andi yo muri Kenya arangajwe imbere na Tusker.

Iranzi Jean Claude yakiniye APR FC igihe kirekire anayibera kapiteni mbere yo kwerekeza muri SlovakiaIranzi Jean Claude yakiniye APR FC igihe kirekire anayibera kapiteni mbere yo kwerekeza muri Slovakia

Icyo kinyamakuru gikomeza kivuga ko Gakumba Patrick uhagarariye inyungu za Iranzi mu mupira w’amaguru yatangaje ko muri Tanzania amakipe abiri ari yo ashaka cyane uwo mukinnyi, ariko kandi ngo no muri Kenya bahora bamuhamagara ngo abe ari ho amujyana.

Ati “Umukinnyi ashaka kuza gukina muri Tanzania ariko Tusker yo muri Kenya na bo bambwiye ko bamushaka, ndetse tugiye kuganira na bo, turebe uko bimeze.”

Uretse Yanga Africans, Simba SC na Tusker, amakuru agera kuri RuhagoYacu avuga ko na St George yo muri Ethiopia imushaka iciye kuri Ndizeye Aime desire ‘Ndanda’ wahoze ari umunyezamu wa APR FC, ubu akaba ari umutoza w’abazamu muri iyo kipe.

Iranzi se yaba agiye kujyana na Haruna Niyonzima muri Simba SC?Iranzi se yaba agiye kujyana na Haruna Niyonzima muri Simba SC?

Iranzi Jean Claude ni umwe mu bakinnyi APR FC yenda gusinyisha ngo bazayikinire mu mwaka utaha wa shampiyona mu gihe bitaramukundira ko yajya gukina ku mugabane w’u Burayi cyangwa muri Asia, dore ko ushinzwe kumushakira isoko no kumuhagararira (Agent) hari amakipe arimo avugana na yo kandi ashaka cyane uyu mukinnyi kizigenza mu ikipe y’igihugu Amavubi.

Kwerekeza mu ikipe iyo ari yo yose muri izo zo zimushaka hanze y’u Rwanda, biratiza umurindi APR FC mu gukomeza gukora ibishoboka byose ngo isinyishe Nshuti Dominique Savio wa Rayon Sports, dore uyu na we amaze iminsi yifuzwa muri iyi kipe y’ingabo z’igihugu.

Map : Ahabanza  \  Rwanda  \  Amakuru Ashyushye

Ibitekerezo byatanzwe kuri iy'inkuru

  1. musemakweli

    Kuya 22-06-2017 saa 10:38'

    IRANZI JEAN CLAUDE NDAMUKUNDA CYANE N’UBWO AGIRA AMAHANE

  2. aimable

    Kuya 21-06-2017 saa 10:27'

    Iranzi ni umukinnyi ukomeye azabona equipe ikomeye cg yigarukire muri gitinyiro intare

  3. Juan

    Kuya 21-06-2017 saa 09:23'

    Savio Nshuti aramutse yemeye offre yo kujya muri APR namenya ko abana ari les enfants koko!urwango ashaka kwiteza aba rayons rwazamubera umwaku muri carreer ye kdi uriya mu petit afite impano ikomeye yakabaye igaragarira mw’irushanwa rikomeye nka Champions League akagurwa n’amakipe afite amafranga.asinye muri Rayon ashyireho close yo kuba yajya hanze igihe cyose amahirwe abonetse ntayandi mananiza naho ubundi Iranzi si umukinnyi wo gukina mubana amaze gukura ajye gukinana n’aba papa bazi icyo bashaka.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru