RUHAGOYACU.com

Abakinnyi 7 muri 21 bakinnye igikombe cy’isi cya U-17 muri 2011 nibo bahamagawe mu Amavubi U-23 - Ese byifashe bite ku bandi?

Mu rutonde rw’abakinnyi 25 ruherutse gushyirwa hanze n’umutoza w’ikipe y’igihugu Stephen Constantine, abakinnyi 7 muri 21 bakiniye u Rwanda mu gikombe cy’isi cy’abatarengeje imyaka 17 cyabereye muri Mexico mu 2011 nibo bonyine bahamagawe.

Mu gihe Amavubi U-23 ari kwitegura umukino uzayahuza n’Intamba mu Rugamba ku wa gatandatu w’iki cyumweru mu rwego rwo kwitegura amajonjora y’igikombe cy’Afurika cy’bakinnyi batarengeje iyi myaka, abakunzi b’ikipe y’igihugu bakomeje kwibaza impamvu bamwe mu bakinnyi bafashije ikipe y’igihugu y’Abato mu myaka ishize ubu bakaba bari munsi y’imyaka 23, impamvu badahamagarwa ngo batange umusanzu wabo.

Abakinnyi 7 barimo : Marcel Nzarora( Police), Steven Ntaribi ( Police), Kwizera Olivier ( APR FC), Michel Rusheshangoga, ( APR FC), Emery Bayisenge (APR FC), Robert Ndatimana ( Rayon sports) na Justin Mico (AS Kigali) ni bo bonyine babashije kugaragara mu rutonde rw’abaknnyi 25, umutoza aherutse gushyira hanze ngo bazahure n’Uburundi, aho byibazwa niba umutoza azahamgara bamwe mu bakinnyi bakina hanze barimo Kabanda Bonfils, Mugabo Alfred, Jean Marie Rusingizandekwe n’abandi, ubwo amajonjora y’iri rushanwa azaba arimbanije.

Muri Mutarama 2011, Bayisenge Emery , Faustin Usengimana na Salomon Nirisarike bakaba barabimburiye aba bakinnyi mu guhamagarwa mu ikipe y’igihugu nkuru aho bahamagawe na Sellas Tetteh ubwo Amavubi yiteguraga amajonjora ya CHAN.

Abakinnyi 21 bagiye muri Mexico n’amakipe bakiniraga :

Steven Ntaribi ( SEC), Michel Rusheshangoga (Isonga),Celestin Ndayishimiye (Isonga), Eugene Habyarimana ( SEC), Eric Nsabimana ( SEC), Robert Ndatimana ( Isonga), Charles Tibingana( Prolin FC- Uganda), Emery Bayisenge (Isonga), Bonfils Kabanda ( AS Nancy), Andrew Buteera (Prolin FC – Uganda), Alfred Mugabo ( ARSENAL FC-ENGLAND), Justin Mico (Isonga), Hertier Turatsinze ( SEC), Janvier Benedata ( APR FC), Faustin Usengimana (Rayon Sports), Jean Marie Rusingizandekwe( KV MECHELEN- BELGIUM), Sulaiman Kakira (APR FC), Marcell Nzarora ( Isonga) , Ibrahim Itangishaka (SEC), Farouk Ruhinda ( Express) na Kabes Hategekimana ( Isonga).

Map : Ahabanza  \  Rwanda  \  Amavubi U-17

Ibitekerezo byatanzwe kuri iy'inkuru

  1. k

    Kuya 19-12-2014 saa 00:20'

    None se ko Isonga yashinzwe bavuye Mexico abo bakinnyi wavuga ko bayiturutsemo bajya mexico gute? Mukore inkuru zirimo ubwenge please.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru