RUHAGOYACU.com

Rwanda 0-1 Burundi: Abatarengeje imyaka 20 batsinzwe n’abaturanyi mu mukino wa gicuti

Ikipe y’igihugu y’u Rwanda y’abatarengeje imyaka 20 itsinzwe n’abarundi igitego 1-0 mu mukino wa gicuti waberaga kuri stade Regional ya Kigali kuri uyu wa kane.

Ni umukino amakipe yombi yakinnye yitegura amarushanwa yo gushaka itike yo kujya mu gikombe cy’Afurika cy’abaterengeje imyaka 20 kizabera muri Senegal umwaka utaha.

Abakinnyi babanje mu kibuga mu makipe yombiAbakinnyi babanje mu kibuga mu makipe yombi

Ikipe y’u Burundi izakina na Djibouti mu cyumweru gitaha mu mukino ubanza uzabera i Bujumbura, mu gihe Amavubi mato atazakina iki cyiciro kuko ikipe ya Sudani y’amajyepfo bari bukine yikuye mu marushanwa.

Umukino wo kuri uyu wa kane watangiye ikipe y’u Rwanda ari yo yiharira umupira, ndetse igice cya mbere abarundi bakaba batigeze bagerageza izamu ryari ririnzwe na Olivier Kwizera.

Amavubi yatangiye asatira ariko ntashobore kwinjiza igitegoAmavubi yatangiye asatira ariko ntashobore kwinjiza igitego

Ndatimana Robert yagaragaje ishyaka rikomeye muri uyu mukinoNdatimana Robert yagaragaje ishyaka rikomeye muri uyu mukino

Neza Anderson ni umwe mu bakinnyi batatu bakina muri Espagne bagaragaye kuri uyu mukinoNeza Anderson ni umwe mu bakinnyi batatu bakina muri Espagne bagaragaye kuri uyu mukino

Nyuma yuko Amavubi mato ahushize ibitego bitandukanye mu gice cya mbere, ikipe y’Abarundi yari yiganjemo abasore bagaragara nk’abakuze, yaje nayo kugaruka neza mu gice cya kabiri maze itangira kotsa igitutu u Rwanda ari nako umutoza wayo asimbuza abakinnyi bagera kuri barindwi muri iki gice.

Ibi ntibyatindiye aba basore b’i Bujumbura kubona umusaruro, kuko ku munota wa 70 bazaga kubona igitego ku mupira wari uturutse muri Corner maze Habimana Hassan akawinjiza neza n’umutwe.

Abasore b'Abarundi bishimira igitsindo cya HassanAbasore b’Abarundi bishimira igitsindo cya Hassan

Michel Rusheshangoga wa APR na Radjou wa Kiyovu S bari bamwe mu bitabiriye uyu mukino nk'abafanaMichel Rusheshangoga wa APR na Radjou wa Kiyovu S bari bamwe mu bitabiriye uyu mukino nk’abafana

.. Andreas Spier yari ahabaye.. Andreas Spier yari ahabaye

Iki gitego, Amavubi yagerageje kucyishyura ari nako Abarundi bakora ibihsoboka ngo batinze umukino maze uza no kurangira ari 1-0.

Nyuma y’umukino umutoza w’Abarundi, Rainer Wilfried, yatangarije itangazamakuru ko yasanze ikipe y;u Rwanda ikomeye kandi ko umusaruro udasobanuye ko ikipe ye iri hejuru kubarusha.

“Ntago nabihisha, baturushije cyane mu gice cya mbere gusa tuza guhindura umukino mu gice cya kabiri turatsinda”.

“Bashoboraga na bo kudutsinda umunota uwo ari wo wose bityo uyu mukino ugiye gutuma twitegura neza kuzakina na Djibouti”, Rainer Wilfried atangariza itangazamakuru

Abatoza ku mpande zomb basanga Amavubi yakinnye neza... gusantiyareba mu izamuAbatoza ku mpande zomb basanga Amavubi yakinnye neza... gusantiyareba mu izamu

Richard Tardy, umufaransa utoza u Rwanda we, asanga ikipe ye yazize kutamenya icyo gukora imbere y’izamu ndetse no kubura abakinnyi batandakanye.

Amavubi yakinnye abura abakinnyi batatu ba As Kigali, wongeyeho Placide Shema ukina mu Bufaransa na Mugabo Alfred ukinira Arsenal yo mu Bwongereza, ikintu uyu mutoza asanga cyabakozeho.

Abakinnyi b'Abarundi bagaragaraga nk'abakuzeAbakinnyi b’Abarundi bagaragaraga nk’abakuze

... mu minota yanyuma bagwaga umusibirizo... mu minota yanyuma bagwaga umusibirizo

U Rwanda ruzakina na Gabon mu cyiciro gikurikira mu mukino uzaba hagati y’amatariki ya 9 na 11/5/2014 ndetse n’uwo kwishyura nyuma y’ibyumweru bibiri.

Kanyankolle Yawunde utoza Kiyovu yaje kwishimana n'Abarundi nyuma y'umukinoKanyankolle Yawunde utoza Kiyovu yaje kwishimana n’Abarundi nyuma y’umukino

Mu gihe nanone Amavubi atarengeje imyaka 20 yaba ashoboye gukomeza yahita ahura n’ikipe izatsinda hagati ya Sierra Leone,Guinee na Ghana, mu majonjora yanyuma yo gushaka itike yo kujya mu gikombe cya Africa kizabera muri Senegal umwaka utaha.

U Burundi bwo nibusezerera Djibouti buzahura na Cameroon mu kwezi kwa gatanu.

Map : Ahabanza  \  Rwanda  \  Amavubi U-17

Ibitekerezo byatanzwe kuri iy'inkuru

  1. jacques

    Kuya 28-03-2014 saa 07:41'

    Narina bivuze ko naho mwazanye abakina hanze y’igihugu cu Rwanda natwe twikoze kubakinyi bagize championa yi gihugu cose bamarana hafi amezi ane bimenyereza hamwe nico catumwe tubatsinda.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru