RUHAGOYACU.com

Rwanda U 17 2-3 Uganda U 17(2-7). Amavubi mato yihanangirijwe ahita asezererwa

Umukino utandukanye n’ubanza, ubuhanga bwinshi ku ikipe y’igihugu n’icyizere cy’ejo hazaza ni byo byagaragaye ku kibuga cya Rubavu ubwo ikipe y’igihugu y’u Rwanda yasezererwaga n’abagande mu marushanwa y’igikombe cya Afurika.

Ikipe y’u Rwanda ni yo yihariye umukino muri rusanjye cyane cyane hagati mu kibuga aho abasore batatu b’u Rwanda Niyonkuru Sadjat, Kapiteni Manishimwe Djaber ndetse na Bigiraneza Rashiduva inda imwe na Michel Ndahinduka Bugesra, bari bagoye cyane ikipe y’igihugu ya Uganda yatinze kwinjira mu mukino.

JPEG - 84.2 kb
Rashid murumuna wa Bugesera...
JPEG - 117.4 kb
Sadjat murumuna wa Djihad
JPEG - 104.2 kb
Na Kapiteni Djaber

Mu gihe u Rwanda rutagiye rubyaza umusaruro amahirwe rwabonye hakiri kare, rutahizamu w’aba bana ba Uganda Sebutinde Charles yaje guhindukiza umunyezamu w’u Rwanda Jimmy Djihad, atsinda igitego cyiza cyane ku munota wa 30 w’umukino, nyuma ahanini y’amakosa yari akozwe na Ngabo Felix w’u Rwanda.

Nubwo byari bikomereye u Rwanda kuba rwabona ibitego bitandatu ngo rubashe gusezerera abagande, amahirwe yaje kuyoyoka burundu ubwo ku munota wa 43 w’umukino Poloto Julius yazaga kuruhukiriza mu nshundura umupira wari wakomeje gucaracara imbere y’izamu maze igice cya mbere kirangira ari ibitego 2 bya Uganda ku busa bw’u Rwanda.

JPEG - 134.5 kb
Amakipe yombi yari afite abakinnyi bakiri bato ku maso

Mu gice cya kabiri, abasore b’umutoza Lee Johnson baje bahinduye umukino ndetse basatira Uganda cyane. Ibi byaje kubabyarira umusaruro koko maze Bigiraneza Rashid uzwi nka Bugesera muto ashobora kwishyura ibitego bibiri byose u Rwanda rwari rwatsinzwe.

Abafana bari baje ku mpande zombiAbafana bari baje ku mpande zombi

JPEG - 130.3 kb

Stade Umuganda yari yizeye gutahukana byibura inota rimwe, yaje gucecekera rimwe ubwo umusore w’umugande Muhammed Shaban yisangaga asigaranye n’umunyezamu Nzeyurwanda Jimmy Djihad maze akamucenga ari nako atsinda igitego cy’intsinzi cya Uganda.

Ubwo umukino wasatiraga umusozo, kapiteni w’ikipe y’igihugu cy’u Rwanda Manishimwe Djaber yaje guhabwa ikarita nyuma yo gukubita mugenzi we Tumwesigye Frank.

U Rwanda rwarangije rufite abakinnyi 10U Rwanda rwarangije rufite abakinnyi 10

Umukino waje kurangira ari ibyo bitego 3-2.

JPEG - 71.7 kb
Tumwesigye ni we wabaye umukinnyi w’umukino. Ngo yatangiye akinira U 12, U 13, U 14 na U 17

Nyuma y’umukino, umutoza Mathias Lule wa Uganda yatangaje ko yatunguwe n’umukino u Rwanda rwakinnye kuri uyu wa gatanu, cyane ko wari utandukanye bigaragara nuwo bakiniye i Kampala. Uyu yongeyeho ko u Rwanda rufite ejo hazaza heza ha ruhago niba bashyize imbaraga muri iyi kipe.

Ku rundi ruhande,umutoza w’ikipe y’igihugu cy’u Rwanda Lee Johnson yatangaje ko yishimiye uko ikipe ye yakinnye gusa nubwo batakaje umukino. Uyu mugabo yavuze ko byibura bagerageje gukosora amakosa yakozwe ku mukino uheruka nubwo hari ibintu utahita ubwira abakinnyi bakiri bato bagahita babyumva ako kanya.

Map : Ahabanza  \  Rwanda  \  Amavubi U-17

Ibitekerezo byatanzwe kuri iy'inkuru

  1. Koraneza

    Kuya 4-08-2014 saa 08:54'

    Umve sinshimishijwe nabatsinze cg ngo mbabazwe nuko twatsinzwe.Gusa nishimiye ukuntu tuno dukinnyi twana dukeye ku mpande zombi.Sha ntawabeshye imyaka pe!!!Viva Africa.Viva EAC.

  2. ERIC

    Kuya 1-08-2014 saa 15:28'

    YEWE NACYODUSHOBOYE TUJETWEMERA NOKUNGANYIRIZA, IWACU BITUNANIRE? BIRABABAJEPE!!!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru