RUHAGOYACU.com

U 20 0-1 Police: Tardy yishimiye gusubirana n’abatoza bajyanye mu gikombe cy’isi

Ikipe y’igihugu y’umupira w’amaguru mu batarengeje imyaka 20 yakinnye kuri uyu wa kabiri na Police FC mu mukino wa gicuti wo gutegura amajonjora yo gushaka itike y’igikombe cya Afurika kizabera muri Senegal umwaka utaha.

Wari umunsi wa kabiri w’imyitozo aho ikipe ya Tardy izongera guhurizwa hamwe mu kwa gatatu ndetse byanakunda ikaba noneho yakina imikino ya gicuti mpuzamahanga n’ibihugu byo mu karere.

Abasore 11 babanje mu kibuga ku ruhande rwa U 20 nubwo bagiye baha imyanya bagenze babo boseAbasore 11 babanje mu kibuga ku ruhande rwa U 20 nubwo bagiye baha imyanya bagenze babo bose

Umukino na Police ariko nkuko Tardy yabitangarije Ruhagoyacu, wari uwo kureba ubushobozi bwa buri mukinnyi ndetse no gutangira kubaka ikipe nshya yazahangana n’andi makipe atoroshye yo kuri uyu mugabane.

Police FC yitwaye neza ubwo yakinaga na U 20Police FC yitwaye neza ubwo yakinaga na U 20

Ni umukino muri rusanjye wihariwe n’ikipe ya Sam Ssimbwa ndetse Tardy akaba we yagiye akora impinduka zitandukanye kugirango ahe amahirwe abakinnyi 24 bose bahamagawe muri iyi kipe.

Igitego cya Fabrice Twagizimana mu gice cya kabiri ni cyo cyaje kuba itandukaniro muri uyu mukino waje kurangira Police iwutsinze 1-0 gusa ikipe y’igihugu ikaba yagiye ibona amahirwe yo gutsinda ariko abasore nka Janvier na Ombalenga ntibakoreshe amahirwe babonye yo kunyeganyeza inshundura.

Ndikukazi ni we watsinze mu izamu mu mukino wo kuri uyu wa kabiriNdikukazi ni we watsinze mu izamu mu mukino wo kuri uyu wa kabiri

Nyuma y’uyu mukino umutoza Tardy yatangarije itangazamakuru ko yishimiye uko wagenze gusa ko agifite byinshi byo gukora ngo abe yabasha kubona abkinnyi bari ku rwego yifuza.

“Yari amahirwe yo kwitegura twari tubinye aho twabonyemo nk’abasore 14 muri 24 bari aha, byibura dushobora kugeza ku rwego twifuza”.

“Cyari icyiciro cya mbere cyo guhurira hamwe tuzongera mu kwa gatatu aho twizeye no kuzakina imikino ya gicuti. Turabizi twarabibonye mu majonjora ashize ubwo twakinnye na Nigeria na Mali biba bikomeye bityo dukomeje twahura na Gabon nayo imeze gutyo”.

Umutozaw'Amavubi makuru Eric Nshimiyimana (ibumoso) na Cassa wa As Kigali bari baje kwihera amaso iyi kipeUmutozaw’Amavubi makuru Eric Nshimiyimana (ibumoso) na Cassa wa As Kigali bari baje kwihera amaso iyi kipe

Tardy kandi akaba yagize icyo avuga ku kuba yongeye gusubirana n’ikipe y’abatoza bakoranaga ubwo bajyanaga ikipe y’abatarengeje imyaka 17 mu gikombe cy’isi, ariko bakaza gukurwaho ku mpamvu zitasobanuwe.

Umutoza wungirije Mashami Vincent, Team Manager Emery, umutoza w’abazamu Kaliopi ndetse na muganga Rutamu Patrick ni bo bazaba bari kumwe n’iyi kipe y’abatarengeje imyaka 20 mu ruhando rwo gushaka itike yo kujya mu gikombe cya Afurika gishyira icy’isi. Kuri Tardy ngo ni byo yifuzaga.

“Nashakaga ko Vincent Mashami na Calliope bagumana nanjye kuko nkeka ko bazi uko nkora kandi muri iyi minsi Mashami ni umutoza wungirije muri APR bityo azadufasha kureba abakinnyi b’iyi kipe ndetse n’abakina muri shampiyona”.

Tardy yishimiye kongera gukorana na Staff Technique yashakagaTardy yishimiye kongera gukorana na Staff Technique yashakaga

“Ubundi abatoza baba bagomba kumvikana harimo kwizerana ndetse buri umwe azi ko mugenzi we akora bityo narishimye kuba dukorana na bo

ikipe y’umutoza Tardy ikazatangira yerekeza muri Sudani y’amajyepfo aho umukino ubanza uzakinirwa muri Sudani hagati y’amatariki 4-6/4/2014 mbere yo gukina umukino wo kwishyura hagati y’amatariki ya 25 na 27 uko kwezi.

Abasore baU 20 bafite akazi gakomeye imbereAbasore baU 20 bafite akazi gakomeye imbere

U Rwanda niruramuka rusezereye Sudani yamajyepfo ruzahita ruhura na Gabon hagati y’amatariki ya 9 na 11/5/2014 ndetse n’uwo kwishyura nyuma y’ibyumweru bibiri. Mu gihe nanone Amavubi atarengeje imyaka 20 yaba ashoboye gukomeza yahita ahura n’ikipe izatsinda hagati ya Sierra Leone,Guinee na Ghana, mu majonjora yanyuma yo gushaka itike yo kujya mu gikombe cya Africa kizabera muri Senegal umwaka utaha

Map : Ahabanza  \  Rwanda  \  Amavubi U-17

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru