RUHAGOYACU.com

Umutoza Matias Lule wa Uganda ntiyishimiye uko bakiriwe mu Rwanda

Ikipe y’igihugu ya Uganda yabatarengeje imyaka 17 Uganda Cubs, yamaze kugera i Kigali, aho ije gukina umukino wo kwishyura n’ikipe y’u Rwanda yabatarengeje imyaka 17, bitwaje imamba y’ibitego 4 batsindiye i Kampala mu byumweru 2 bishize.

Uyu mukino utegerjwe kuri uyu wa gatanu ku isaha ya saa cyenda zaha mu Rwanda, aho kwinjira kuri uyu mukino ari Frw 2000 mu myanya y’icyubahiro, ahasigaye hose, bikaba ubuntu, kuri sitade Umuganda i Gisenyi.

Uganda Cubs ubwo bari bageze i Kigali, barangajwe imbere na Dr Jack Walugembe, umaze igihe kinini avura abakinnyiUganda Cubs ubwo bari bageze i Kigali, barangajwe imbere na Dr Jack Walugembe, umaze igihe kinini avura abakinnyi

Ikipe ya Uganda ikaba yarakoresheje inzira yo ku butaka, aho bahagurutse i Kampala ku wa kabiri mu gitondo ku isaha ya saa tatu n’igice (9h30’), bakagera i Kabare mu ma saa sita y’amanywa (12h00), bakaruhuka amasaha 6 muri Kirigime Guest House.

Bacumbikiwe kuri Impala HotelBacumbikiwe kuri Impala Hotel

Iyi kipe iyobowe na Richard Ochom, akaba ari kumwe n’umuyobozi wa tekinike mu ishyirahamwe ry’umupira w’amaguru muri Uganda (FUFA) witwa Asuman Lubowa.

Kuri uyu wa gatatu, ni bwo ikipe ya Uganda yambutse ku mupaka wa Gatuna, ikora urugendo rw’amasaha 2 n’igice igera i Kigali, aho yajyanywe gucumbikirwa muri hotel Impala.

Abakinnyi ba Uganda buzuza ibyangombwa ku mupaka wa GatunaAbakinnyi ba Uganda buzuza ibyangombwa ku mupaka wa Gatuna

Matias Lule, umutoza mukuru wa Uganda Cubs aganira n’abanyamakuru bo muri Uganda, yatangaje ko atishimiye uko bakiriwe.

Yagize ati: “ Tugeze i Kigali twamaze hafi isaha twabuze umuntu watugeraho mu ishyirahamwe ry’umupira w’amaguru mu Rwanda. Gusa twaje tubyiteze, nta cyadutunguye kirimo, ntago byigeze biduhungabanya ku buryo tuzitwara nabi.

“ Banze kutumenyesha aho umukino uzabera mbere, babitubwira nyuma, ubu biradusaba kuzakora urugendo rw’amasaha 4 twerekeza i Gishenyi (Gisenyi) mu mujyi wa Rubavu, ahazabera umukino.”

Matias Lule na Dr Walugembe bari gufata ifunguro, ndetse n'umutoza wungirije Peter OnenMatias Lule na Dr Walugembe bari gufata ifunguro, ndetse n’umutoza wungirije Peter Onen

Ikipe ya Uganda yakoreye imyitozo ya mbere ku kibuga cya FERWAFA kuri uyu wa gatatu mu masaha ya nimugoroba, ikaba igomba gufata inzira yerekeza i Gisenyi kuri uyu wa kane, igakorera imyitozo kuri sitade Umuganda, aho igomba gukinira n’Amavubi kuri uyu wa Gatanu.

Richard Ochom na Raoul Aliga bayoboye ikipe ya UgandaRichard Ochom na Raoul Aliga bayoboye ikipe ya Uganda

Ikipe izakomeza hagati y’u Rwanda na Uganda, izahura n’ikipe izaba yatsinze hagati ya Zambia na Botswana, aho umukino ubanza, ikipe ya Zambia yatsindiye i Lusaka, ikipe ya Botswana igitego 1-0.

Izabasha gutsinda mu mukino ukurikiyeho, izahita ibona itike yo gukina igikombe cy’Africa ku batarengeje imyaka 17 kizabera i Niamey muri Niger, mu kwezi kwa 3 mu mwaka wa 2015.

Alex Komakech ukina ku ruhande rw'ibumoso na Charles Ssebutinde ukina mu kibuga hagatiAlex Komakech ukina ku ruhande rw’ibumoso na Charles Ssebutinde ukina mu kibuga hagati

Map : Ahabanza  \  Rwanda  \  Amavubi U-17

Ibitekerezo byatanzwe kuri iy'inkuru

  1. ANGUNZU

    Kuya 31-07-2014 saa 04:10'

    Aha tukavuga ko congo yatwakiriye nabi imisifurire mibi n’ibindi impamvu yo gutsindwa kw’amavubi. Erega akebo kajya iwa mugarura. uretse ko ntago twakabaye tubikora gutyo, twakagombye kubaha care kuko nicyo sport bivuga ni uguhuza abantu ntago ari ikindi.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru