RUHAGOYACU.com
RuhagoYacu  |  Rwanda  |  Amavubi

Amafoto- Amavubi yahaye abafana icyizere mbere yo kwakira Tanzania

Umutoza w’ikipe y’igihugu Amavubi Antoine Hey, arahamagarira abakunzi b’umupira w’amaguru kuzaza ari benshi ku mukino wo kwishyura mu gushaka itike ya CHAN aho u Rwanda ruzaba rwakirira Tanzania kuri stade ya Kigali kuri uyu wa gatandatu.

Ku munota wa 18 gusa w’umukino ubanza, Imanishimwe Emmanuel yagaruye umupira mwiza mu rubuga rw’amahina rwa Tanzania, ni ko gusanga Nshuti Dominique Savio ahagaze neza mu rubuga maze afungura amazamu.

Yannick Mukunzi ni umwe mu bitwaye neza ku mukino ubanzaYannick Mukunzi ni umwe mu bitwaye neza ku mukino ubanza
Abasore bose ngo bameze neza kuri ubuAbasore bose ngo bameze neza kuri ubu
Nshuti Savio ni we uhanzwe amaso nyuma yo gutsindira i MwanzaNshuti Savio ni we uhanzwe amaso nyuma yo gutsindira i Mwanza
Manzi Thierry mu mukino ubanza yashoboye kuburizamo imikinire ya John Bocco Manzi Thierry mu mukino ubanza yashoboye kuburizamo imikinire ya John Bocco

Amavubi yarwanaga no kwihagararaho kuri iki gitego yatsindiye hanze, yaje gutungurwa ku munota wa 33, ubwo umusifuzi w’umukino ukomoka muri Sudani y’epfo yemezaga ko Tanzania igomba guhabwa penaliti.

Aha, Umupira Tanzania yari iwuteye mu rubuga rw’amahina, Mambo aritambika arawugarura n’akaguru, umusifuzi wo hagati wari umuri iruhande yemeza ko umukino ukomeza, gusa uwo ku ruhande wari kure avuga ko ari penaliti iranatangwa ndetse yinjizwa neza na kapiteni Hamid Mao ku munota wa 35.

Ibi byose ariko umutoza Hey utoza Amavubi asanga bakwiye kubyubakiraho bagatsinda umukino wo kuri uyu wa gatandatu.

“Umukino ubanza twagakwiye kuba twaratsinze ibitego 2-0 gusa umusifuzi w’umunyasudani y’epfo ntabwo yatubaniye”.

“Wari umukino watugoye mu kwitegura kubera ibyabaye ku bakinnyi bacu aho byarangiye tunasabye Tanzania ko twawigiza imbere ho umunsi umwe Tanzania ikabyanga”.

“Ibi byose twari dufite mu mutwe byatumye tudakina neza kuko twanakinnye twugarira cyane, gusa kuri uyu wa gatandatu tuzigaragaza”.

Antoine Hey azaba akina umukino we wa mbere mu Rwanda nyuma yo kugirwa umutoza w'ikipe y'igihuguAntoine Hey azaba akina umukino we wa mbere mu Rwanda nyuma yo kugirwa umutoza w’ikipe y’igihugu
Nshuti Innocent ashobora guhabwa iminota myinshi ku munsi w'ejo, mu gihe Kimenyi Yves yitabajwe ahanini harebwa umukino wazakurikiraNshuti Innocent ashobora guhabwa iminota myinshi ku munsi w’ejo, mu gihe Kimenyi Yves yitabajwe ahanini harebwa umukino wazakurikira

Nsabimana Aimable agomba guhagarara neza mu bwugariziNsabimana Aimable agomba guhagarara neza mu bwugarizi
Muhire Kevin bakunze kwita Rooney ashobora gutangira mu kibugaMuhire Kevin bakunze kwita Rooney ashobora gutangira mu kibuga
Mu myitozo nta kujenjekaMu myitozo nta kujenjeka
Antoine Hey watangaje ibi nyuma y’imyitozo yanyuma y’Amavubi yo kuri uyu wa gatanu, yavuze ko Tanzania yabonye imikinire yayo idakanganye bityo ko bizeye kuyisezera nubwo bizasaba ko abakinnyi b’Amavubi bashyigikirwa ku bwinshi.

“Dufite icyizere cyo gukomeza mu cyiciro gikurikiyeho gusa ntabwo bizatworohera mu gihe haje abafana 2000”.

“Turashaka ko abafana bazaza ari benshi stade bakayuzura. Baba bafana Rayon Sports, APR FC cyangwa se ari wa mufana (Asman) wa As Kigali. Turifuza ko badutiza umurindi maze ibindi bakabitubaza”.

“Bazaze twifatanye mu byishimo byo gusezerera Tanzania, atari byabindi byo kunengera abakinnyi kuri televiziyo”.

U Rwanda na Tanzania barahurira ku mukino w’amajonjora yo gushaka itike ya CHAN izabera muri Kenya umwaka utaha wa 2018, aho ikipe iri butsinde izahura n’izarokoka hagati ya Uganda na Sudani y’epfo, zo zanganyije umukino ubanza 0-0.

Amafoto: Hardi Uwihanganye/Ruhagoyacu

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. ARISTIDE

    Kuya 22-07-2017 saa 14:47'

    Icyo dushaka nugutsinda abaganda naho Tanzania mukanya turayiha ibyayo 2-0

  2. JAPHET

    Kuya 22-07-2017 saa 10:11'

    AMAVUBIYACU TUYARINYUMA TANZANIA BIRARANGIRA TUYIHANNYE BI3 KUMWUKA.

  3. seba

    Kuya 22-07-2017 saa 08:52'

    gutsinda tanzaniya se ubwo icyo nigitangaza bajye muri Kenya naho ibyo namagambo

  4. Nisamuson Bucye

    Kuya 22-07-2017 saa 02:20'

    Ooy Ooy Amavubi Tubarinyuma Natwabo Muntara

  5. Gwiza

    Kuya 21-07-2017 saa 15:16'

    Jyewe nemera umutoza wiyizeraapana bya bindi ngo Imana nidufasha nk’aho abo muzakina bo itabaremye. Yego rata Hey uzabankubitire nanjye nagusezeranyije induru yanjye kuko nzaba mpabaye.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru