RUHAGOYACU.com
RuhagoYacu  |  Rwanda  |  Amavubi

Amavubi nta mukino wa gicuti ateganya- Ferwafa

Ishyirahamwe ry’umupira w’amaguru mu Rwanda Ferwafa, ritangaza ko nta gahunda Amavubi afite yo gukina umukino nwa gicuti uwo ari wo wose, nubwo impera z’iki cyumweru turimo FIFA yazihariye imikino y’amakipe y’ibihugu.

Amavubi biteganyijwe ko ari bumurikirwe umutoza mushya ku gicamunsi cyo kuri uyu wa mbere, yagiye akunda gushinjwa kudakina imikino ya gicuti nk’ibindi bihugu, rimwe na rimwe bikagora abakinnyi mu gihe bahuriye mu mikino mpuzamahanga.

Amavubi aheruka mu kibuga muri Nzeri 2016Amavubi aheruka mu kibuga muri Nzeri 2016

Ibi ariko, ubuyobozi bwa Ferwafa bwari bwatangaje ko bigomba guhinduka kuva muri uyu mwaka, ari na yo mpamvu muri gahunda za shampiyona zapanzwe aya matariki ya FIFA nta mikino yari yahashyizwe kugeza kuri uyu munsi tubyandikaho.

Ubwo twavuganaga n’umuvugizi w’iri shyirahamwe Ruboneza Prosper, yadutangarije ko kuri ubu nta mukino wa gicuti bateganya, ko gahunda bazayifata nyuma yo kuvugana n’umutoza uri bwerekanwe uyu munsi. Ruboneza yari yagize ati: “Oya, ntabwo turi gutegura umukino wa gicuti uwo ari wo wose.”

Ibyo tuzabipanga ari uko tumaze kuvugana n’umutoza, bizaterwa na gahunda afite. Kuri ubu, nta mukino wa gicuti twateganyije”.

Uretse ikipe y’igihugu nkuru, amakipe mato na yo akunze gutegurwa ari uko hagiye kuba amarushanwa ndetse akenshi abatoza bayo bakamenyekana icyo gihe. Mu minsi yashize, hari amakuru yari yatangajwe ko igihugu cya Tanzania cyari cyifuje gukina n’ibihugu byo mu karere birimo u Rwanda, mu mikino ya gicuti y’abatarengeje imyaka 17.

Tanzania iri kwitegura kuzajya mu gikombe cya Afurika cy’abatarengeje imyaka 17 kizabera muri Gabon muri Gicurasi, yateganyaga gukina n’u Rwanda tariki ya 28 Werurwe, igakina n’u Burundi tariki ya 30 uko kwezi mu gihe Uganda y’abatarengeje imyaka 17 hari gahunda yo guhura tariki ya 2 Mata 2017. Ku ruhande rw’u Rwanda ariko, umuvugizi wa Ferwafa yatangaje ko iyi gahunda ntayo bazi.

Iyo gahunda ntabwo tuyizi, ntabwo ikipe yacu y’abatarengeje imyaka 17 iri kwitegura gukina na Tanzania. Ayo makuru ntabwo twayamenye”.

Tanzania U17 yifuzaga umukino wa gicuti n'Amavubi mato, nyuma yo kugirira umwiherero mu Rwanda ubwo yarimo ishaka itike yo kujya mu gikombe cya AfurikaTanzania U17 yifuzaga umukino wa gicuti n’Amavubi mato, nyuma yo kugirira umwiherero mu Rwanda ubwo yarimo ishaka itike yo kujya mu gikombe cya Afurika

Amavubi, aheruka mu kibuga muri Nzeri ya 2016 ubwo yanganyirizaga na Ghana iwayo 1-1 mu mukino wo gushaka itike yo kujya mu gikombe cya Afurika cyabereye muri Gabon mu ntangiriro z’uyu mwaka. Umukino wa gicuti ikipe y’igihugu iheruka gukina, ni uwo yatsindiwe i Kigali na Senegal 2-0, hari muri Gicurasi 2016.

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. Musesenguzi

    Kuya 21-03-2017 saa 00:23'

    Ntamikino ya gicuti kandi tugashaka insinzi!!
    Ibyo Ni ibintu bihabanye!
    Kuva FerwaDeGaule ikiriho, ntansinzi u Rwanda ruzabona!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru