RUHAGOYACU.com
RuhagoYacu  |  Rwanda  |  Amavubi

Amavubi yiganjemo abakina hanze y’u Rwanda yasubiriye Maroc

Ikipe y’igihugu y’u Rwanda inyagiye ikipe Olempike ya Maroc ibitego 3-0, mu mukino wa 2 wa gicuti aya makipe akinnye mu mpera z’iki cyumweru, mu mikino ya gicuti, yo kwibuka abasiporutifu bazize Jenoside yakorewe Abatutsi.

Igitego cya Savio Nshuti, Mugiraneza Jean Baptiste na Iranzi Jean Claude byose byabonetse mu gice cya mbere cy’umukino, ni byo byafashije ikipe y’u Rwanda kunyagira iyi kipe y’abato ba Maroc.

JPEG - 108.4 kb
Abakinnyi babanje mu kibuga ku mpande zombi

Ni umukino utagoye cyane abakinnyi b’ikipe y’igihugu Amavubi, barushije ikipe ya Maroc kuva umukino utangiye kurinda urangiye. Si akazi gakomeye Ndayishimiye Eric Bakame yahuye nako kuri iki cyumweru.

JPEG - 85.6 kb
Savio ni we wafunguye amazamu
JPEG - 74.7 kb
Abakinny bishimira igitego cya Migi
JPEG - 84.5 kb
Iranzi Jean Claude yishimira igitego cya 3 na bagenzi be
JPEG - 80.3 kb
Kapiteni Niyonzima Haruna w’Amavubi

Umukino utangira, abasore ba Antoine Hey ntabwo Bahuzaga cyane dore ko bamwe bari bamaze igihe kinini badakinana. Aba basore batakazaga imipira myinshi, ubona ko hagati ya Mugiraneza, Kalisa Rachid na Niyonzima wari ubari imbere, bataramenyerana, bikaba byahindutse ukoiminota yigiraga imbere.

Omborenga Fitina wakinaga ku ruhande rw’iburyo, yaje guhahwa umupira mwiza na Niyonzima Haruna awuherea Nshuti Savio Dominique, wahise afungura amazamu.

Amavubi yakomeje kugenda azamuka cyane akoresheje uruhande rw’iburyo rwariho Omborenga na Savio, kurusha uko yakoreshaga uruhande rw’ibumoso, cyangwa gucisha imipira hagati.

JPEG - 75.7 kb
Omborenga yagoye cyane abakinnyi ba Maroc

Ku mupira wari uvuye muri koruneli, Mugiraneza Jean Baptiste yaje gutsinda igitego cya 2 ku munota wa 35, ku makosa akomeye y’umuzamu wa Maroc Abdelail Lebada waje gusimburwa na Arhamani Ismael mbere gato y’uko igice cya mbere cy’umukino kirangira.

Ku munota wa 1 w’inyongera w’igice cya mbere cy’umukino, Amavubi yaje kuzamukana umupira yihuta ku ruhande rw’iburyo, umupira wahinduwe ugasanga Iranzi Jean Claude ahagaze neza, ahita atsinda igitego cya 3.

Igice cya 2 cy’umukino Antoine Hey yashyizemo abakinnyi benshi benshi agerageza gukoresha abakinnyi bose yari yazanye kuri uyu mukino. Iradukunda Radu na Kwizera Olivier nibo batabashije kugaragara mu kibuga gusa kuri uyu mukino.

JPEG - 825.6 kb
Hey utoza Amavubi, yishimiye muri rusange iyi mikino 2 ya gicuti yakinnye

Uyu mukino wagoye bamwe mu bakinnyi bakina hanze, bishobora no kurangira batagaragaye muri lisite y’abazerekeza muri Centrafrica nk’uko Hey yabitangaje nyuma y’umukino.

JPEG - 156.2 kb
Abakinnyi ba Maroc babanje mu kibuga
JPEG - 147.4 kb
11 b’Amavubi babanje mu kibuga

Amavubi arakomeza umwiherero yitegura umukino ubanza mu gushaka itike yo kujya muri Cameroon muri 2019, akaba azahaguruka mu Rwanda kuri uyu wa kane w’iki cyumweru, mu gihe ikipe ya Maroc yari yitabiriye iyi mikino yo kwibuka irafata indege kuri uyu mugoroba akerekeza muri Turkey, aho azahaguruka ejo agasubira muri Maroc.

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. mugisha

    Kuya 4-06-2017 saa 21:43'

    reka turebe uko bizagenda kuri match ya centre Africa naho gutsinda under 23 ya maroco sigitangaza


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru