RUHAGOYACU.com
RuhagoYacu  |  Rwanda  |  Amavubi

Antoine Hey yananiwe kumvikana na Ferwafa ku kibazo cy’abazamwungiriza

Amakuru agera kuri Ruhagoyacu, atangaza ko kugeza magingo aya ibiganiro bitameze neza hagati y’umutoza ugomba kuzatoza Amavubi mu minsi iri imbere, Antoine Hey, ndetse n’ishyirahamwe ry’umupira w’amaguru mu Rwanda Ferwafa.

Antoine Hey, yagombaga kwerekwa itangazamakuru kuri uyu wa mbere gusa birangira uyu muhango wimuriwe kuwa kabiri, aho Ferwafa yatangaje ko byahuriranye na gahunda yo guha Licence A abatoza bazikoreye bigatuma badashobora kubangikanya ibi bikorwa byombi.

Ibya Antoine Hey kuri ubu ni agatereranzambaIbya Antoine Hey kuri ubu ni agatereranzamba

Ibi ariko Ferwafa ikaba yabitangaje mu gihe nubundi kuri gahunda yari yatanzwe ibi byombi byari byatekerejwe, aho amakuru Ruhagoyacu ikura ahantu hizewe avuga ko impamvu ya nyayo yo kuterekana uyu mutoza ari uko atari yashyira umukono ku masezerano kubera ingingo zimwe na zimwe atari yumvikanaho n’abayoboye imikino mu Rwanda.

Ku ikubutiro, Antoine Hey byari biteganyijwe ko azakorana n’abatoza babiri b’abadage bungirije, aho byavugwaga ko bazajya bamara igihe kinini bari mu Rwanda bategura ikipe y’igihugu. Uyu, bikaba akaba yari bugenerwe umushahara w’amadorali ya Amerika ibihumbi 20(20 000$), igice cyayo kikazajya gitangwa n’ishyirahamwe ry’umupira w’amaguru mu gihugu cy’Ubudage.

Ubwo yageraga mu Rwanda ariko, uyu Mudage yaje kubwirwa ko agomba kungirizwa n’abatoza b’abenegihugu, kuko ubushobozi bwaba burenze kuri abo batoza b’abera. Amakuru atugeraho ariko, avuga ko Antoine Hey yaba adakozwa iki gitekerezo, aho yasabye Ferwafa kuvugana n’Ubudage niba butafasha mu kwishyura n’abo batoza b’abungiriza. Kuri ubu hakaba hategerejwe umwanzuro w’Ubudage aho icyemezo cyanyuma kuri ibi kiri bufatwe ku gicamunsi cyo kuri uyu wa kabiri.

Ferwafa yakunze gukoresha abatoza b'abanyarwanda mu kungiriza abazunguFerwafa yakunze gukoresha abatoza b’abanyarwanda mu kungiriza abazungu

Ubwo twavuganaga n’umuvugizi wa Ferwafa, Ruboneza Prosper, yadutangarije ko kuba umutoza ateretswe itangazamakuru kuri uyu munsi bidafite aho bihuriye no kudasinya amasezerano na Ferwafa, ahubwo ko ari uko byahuriranye no gahunda yo guha Licence abatoza.

Ayo makuru (yo kudasinya amasezerano) ntabwo nyazi. Icyo natangaza ni ibyo Perezida wa Ferwafa yatangaje ko umutoza azerekanwa ejo”.

Ubwo Ruhagoyacu yamubazaga ubugira kenshi niba umutoza yaba yarangije gusinya amasezerano, umuvugizi wa Ferwafa yavuze ko ntacyo yabitangazaho, kuko nubundi kuri uyu wa mbere gahunda yari ihari hatari harimo gusinya amasezerano.

Mu gihe impande zombi zaramuka zumvikanye, umutoza w’Amavubi akaba noneho azerekwa itangazamakuru kuri uyu wa kabiri saa 15:00 ku cyicaro cya Ferwafa.

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. saisa

    Kuya 22-03-2017 saa 09:59'

    jye na muha Murisa agakomeza imihigo.

  2. aldo

    Kuya 21-03-2017 saa 22:35'

    nibikwiye KBS ko umuntuyaza kwaka akazi agategeka abagatanga bamuhe abanyarwanda kko nabo barabishoboye cyanee KBS kdi bazabikora cyane too

  3. Willy

    Kuya 21-03-2017 saa 13:33'

    Biratangaje ariko FERWAFA na Ministeri bagomba kwihesha agaciro ndetse bakanagahesha tese abenegihugu uwo mutoza w’umwera n’ubundi nta gikombe cy’isi aje kutujyanamo niba yanze abirabura bene wacu b’abanyarwanda ngo bamwungirize nibamureke agende ariko ubundi ibyo bihumbi cumi ntibyabona umutoza w’umwirabura kandi ufite ubumenyi ako ni agasuzuguro kabi asubire iwabo abanyarwanda barahari harabura kubaha ikizere gusa

  4. Marshall

    Kuya 21-03-2017 saa 11:47'

    Nta Colonialisme irenze kuguha umutoza ndetse bakanagufasha kumuhemba ahahahhhhahhh
    niba ntibeshye hari aho uzi u rwanda rwatanze umukozi mu kindi gihugu hanyuma rukajya runamwiyishyurira?
    ariko africa turatekereza iki koko? ubu ngo ntiwashyiraho umutoza w’umunyarwanda akabyica tuzi ko ari umwenegihugu?

  5. eliya

    Kuya 21-03-2017 saa 09:28'

    abanyarwanda nibamwungirize kuko Nazi umuco w’abakinnyi,Nazi abakinnyi natemera abanyarwanda mumureke n,abacu ntibabonye licence za Caf se.Abungiriza Mashami,na eric

  6. Ezechiel

    Kuya 21-03-2017 saa 08:37'

    Uyu mutoza ndabona nta gahunda afite.Niba aziko aje gutoza abanyarwanda kuki atemera sbungirizs b’abenegihugu abo badage bazi abakinnyi bacu kuturusha twe twabareze tuzi imikinire yabo? Kabone niyo baba baduha izo nkunga zabo ntibakwiye kutubuza uburenganzira igihe cya colonialisme cyararangiye niyanga mumureke FERWAFA ikoreshe abacu nabo barashoboye dukwiye kwigira no kwihesha agaciro nkuko nyakubshwa our President ahora abidutoza nubundi n’abo dufite mwibuke ko bazamuwe na Eric na Baptiste nubundi ywarabibonye ko abo bazungu baza bakadusubiza inyuma


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru