RUHAGOYACU.com
RuhagoYacu  |  Rwanda  |  Amavubi

Bugesera ishobora kwanga ko Mashami atoza Amavubi mato

Umuyobozi w’ikipe ya Bugesera FC, Gahigi Jean Claude yatangaje ko iyi kipe izarekura umutoza wayo Mashami Vincent akajya gutoza ikipe y’igihugu y’abatarengeje imyaka 20 izajya muri Maroc na Afurika y’Epfo, niba bidashobora kubangamira Bugesera FC.

Mashami Vincent akaba yamaze guhabwa ikipe y’abato, asimbuye Jimmy Mulisa, umutoza mukuru w’ikipe y’igihugu bivugwa ko kuri ubu afite inshingano nyinshi.

Mu kiganiro yagiranye na Radio Salus kuri uyu wa Gatandatu, umuyobozi w’ikipe ya Bugesera FC, Gahigi Jean Claude yatangaje ko nta busabe bwa Ferwafa, bubasaba umutoza Mashami burabageraho.

“Kugeza ubu ntabwo baratwandikira batumenyesha ko bifuza umutoza wacu, ariko mu masezerano twagiranye na we harimo ko igihe akenewe mu ikipe y’igihugu, Ferwafa igomba kutwandikira itumenyesha kuko n’umukozi wa Bugesera FC.”

Abajijwe niba ntacyo bizabangamiraho ikipe ya Bugesera FC, Mashami najya mu Mavubi, Gahigi yagize ati: “Icyo gihe byaterwa n’igihe azamara mu ikipe y’igihugu. Nibatumenyesha tugasanga bishobora gutuma ikipe imara imikino itatu cyangwa ine nta mutoza, icyo gihe byaba ari ikibazo. Nibatwandikira, tuzicara tubyigeho.”

Ikipe y’igihugu y’u Rwanda y’abatarengeje imyaka 20, izitabira irushanwa rizabera muri Maroc kuva tariki ya 9 kugeza ku ya 13 z’ukwezi gutaha ndetse na Cosafa U-20 izabera muri Afurika y’Epfo hagati ya tariki ya 7 n’iya 16 Ukuboza uyu mwaka.

Bugesera FC, kuri ubu ifite amanota atatu mu mikino ibiri, mbere yo kwakira Espoir FC mu mukino w’umunsi wa gatatu wa shampiyona.

Gahunda y’imikino ibanza ya Bugesera FC muri shampiyona:

  • H: Bugesera FC 3-0 Kiyovu
  • A: Police FC 2-1 Bugesera FC
  • H 29/10 Espoir Stade ya Bugesera
  • A 6/11 As Kigali Stade ya Kigali
  • H 19/11 Marines Stade ya Bugesera
  • A 25/11 Rayon Sports Stade ya Kigali
  • A 4/12 Sunrise Stade Nyagatare
  • H 11/12 Amagaju Stade Bugesera
  • A 17/12 Gicumbi Stade ya Gicumbi
  • H 23/12 Mukura Stade Bugesera
  • A 31/12 Musanze Stade Nyakinama
  • H 7/1/2017 Kirehe Stade Bugesera
  • A 14/1 Pepiniere Stade ya Kicukiro
  • H 21/1 Etincelles Stade ya Bugesera
  • H 29/1 APR FC Stade ya Bugesera
Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. Mugisha Huzairu

    Kuya 2-11-2016 saa 12:35'

    Niba Koko Bugesera Itarabona Ibaruwa Ibasaba Umutoza Nabyo Byaba Arikibazo Kabisa. Ariko Se Ubundi Uwaruriho Bamunenziki? Ahaaa! Ruhago Yacu Ntaho Yerekeza Ikirangwamo Iyi Miyoborere Pe.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru