RUHAGOYACU.com
RuhagoYacu  |  Rwanda  |  Amavubi

Centrafrique barashaka gukora amateka bahereye ku Mavubi bavuga ko yoroshye

Ikipe y’igihugu ya Centrafrique ’Les Fauves’’ iri mu itsinda rimwe n’u Rwanda, irashaka gukora amateka yo kujya mu gikombe cya Afurika ku nshuro ya mbere, ubwo iri rushanwa rizaba ribera muri Cameroun 2019.

Nk’uko Franklin Anzite ukina mu kibuga hagati muri iyi kipe ya Centrafrique yabitangarije BBC, Ruhagoyacu ikesha iyi nkuru, ngo Centrafrique irifuza gutera ikirenge mu cya Guinea Bissau yitabiriye irushanwa ry’igikombe cya Afurika cya 2017 giheruka kubera muri Gabon muri Mutarama- Gashyantare uyu mwaka.

Kugeza ubu ikipe y’igihugu ya Centrafrique iherereye ku mwanya w’129 ku rutonde rwa FIFA, umwanya umwe inyuma y’u Rwanda bazakira ku Cyumweru mu mukino ubanza wo mu itsinda H ririmo kandi igihugu cya Cote d’Ivoire na Guinea Conakry.

Franklin Anzite asanga kuba hari imikino bazakinira mu rugo hari byinshi bizabafasha kimwe n’uko ikipe ibateye impungenge mu itsinda H ari Cote d’Ivoire gusa.

"Ndatekereza ko mu by’ukuri dufite amahirwe menshi yo kujya mu gikombe cya Afurika kuri iyi nshuro kubera ko tuzakinira umukino wa mbere mu rugo, ndetse n’umukino usoza iyo mu itsinda na wo uzaba uri mu rugo."

"Umukino uzadukomerera ni uzaduhuza na Cote d’Ivoire, n’ubwp kandi byaba bitoroshye nk’ubushize, ariko dufite amahirwe yo kujya mu gikombe cya Afurika."-Anzite ukinira University Technology MARA FC yo muri Malaysia.

Centrafrique irashaka gukora amateka yo kujya mu gikombe cya Afurika ku nshuro ya mbereCentrafrique irashaka gukora amateka yo kujya mu gikombe cya Afurika ku nshuro ya mbere

Iki gihugu cya Repubulika ya Centrafrica gikungahaye ku mabuye y’agaciro, cyagiye kirangwamo umutekano mucye kuva kibonye ubwigenge mu 1960 ubwo bigobotoraga ingoma y’abakoroni b’Abafaransa.

Amakimbirane ashingiye ku madini; aho abayisilamu bake ugereranyije n’ubwinshi bw’abakirisitu babarizwa muri iki gihugu, batacanaga uwaka bikavamo kubura ubuzima bwa benshi, ibi byatumye mu minsi yashize ikipe y’igihugu yarakiriraga imikino yayo hanze y’igihugu.

Kuva muri iki gihugu hashyizwe ingabo na polisi mpuzamahanga zicunga umutekano harimo n’abanyarwanda, imikino mpuzamahanga ikaba yarongeye gukinirwa i Bangui ndetse ni naho bazakirira Amavubi ku Cyumweru.

"Gukinira imikino yacu yo mu rugo hanze y’igihugu byari ibintu bidukomereye, kuko nta bafana twagiraga inyuma yacu."

"Ubu dufite amahirwe yo kwakirira imikino itatu mu rugo, kandi ndizera ko tuzabikora, siporo hari byinshi yahindura mu gihugu cyacu."

"Ntabwo ari mu kibuga gusa, dukeneye ko buri kimwe kiri iruhande no hafi y’ikipe cyaba kiri ku murongo, kandi guverinoma akadufashije kurusha uko babikoraga."- Anzite w’imyaka 31.

Anzite asanga ikipe ikomeye mu Itsinda H ari Cote d'Ivoire gusaAnzite asanga ikipe ikomeye mu Itsinda H ari Cote d’Ivoire gusa

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. Joackim

    Kuya 10-06-2017 saa 09:15'

    Njye mbona amavubi arabikora 2-1


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru