RUHAGOYACU.com
RuhagoYacu  |  Rwanda  |  Amavubi

CHAN 2018- Umukino w’u Rwanda na Tanzania washyizwe i Nyamirambo

Ishyirahamwe ry’umupira w’amaguru mu Rwanda ryarangije kwemeza ko umukino wo kwishyura wo gushaka itike yo kujya muri CHAN ya 2018, bazawakiriramo Tanzania kuri Stade ya Kigali i Nyamirambo tariki ya 22 Nyakanga.

Imikino y’ikipe y’igihugu ubusanzwe ikinirwa kuri stade Amahoro gusa ubuyobozi bwa Ferwafa butangaza ko iyi stade izaba itari yaboneka cyane ko irimo gusanwa, bityo uyu mukino ukaba ugomba kubera kuri Stade ya Kigali aho byarangije no kumenyeshwa CAF.

Amavubi yari yashoboye kugera muri ¼ cy’irangiza muri CHAN yabereye mu Rwanda, afite akazi katoroshye ko gukina iri rushanwa ku nshuro yayo ya gatatu, dore ko afite ibihugu bya Tanzania na Uganda mu nzira igana muri iri rushanwa rizabera muri Kenya.
u Rwanda rwaherukaga gutsindirwa na Tanzania muri CECAFA yo muri Ethiopieu Rwanda rwaherukaga gutsindirwa na Tanzania muri CECAFA yo muri Ethiopie

Umukino ubanza hagati y’u Rwanda na Tanzania, uzabera i Dar es Salaam hagati y’amatariki ya 14-16 ukwezi gutaha kwa Nyakanga mu gihe uwo kwishyura uzabera i Kigali mu cyumweru kimwe.

Ikipe izatsinda hagati ya Tanzania n’u Rwanda izahura n’izarokoka hagati ya Uganda ya Micho ihabwa amahirwe, na Sudani y’epfo ikirimo kwiyubaka. Iyi mikino yo ikazakinwa hagati y’amatariki ya 11 na 13 Kanama ndetse iyo kwishyura ikinwe hagati ya tariki 18 na 20 uko kwezi kwa munani, hamenyekana ikipe izerekeza muri Kenya.

Indi kipe izahagararira akarere izaturuka mu izatsinda hagati ya Djibouti na Ethiopie n’Uburundi na Sudani.

CHAN 2018 izabera muri Kenya umwaka utaha kuva tariki ya 11 Mutarama kugeza tariki ya 2 Gashyantare.

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. musesenguzi

    Kuya 17-06-2017 saa 00:47'

    Abanyamakuru muri abana beza. Murerekana Yannick kandi atari mu Mavubi y’iki gihe. Ibi ni ugushavuza umuntu.
    Njye mbona Yannick agiye muri Rayon cg Police yarushaho gutera imbere. Igihe cye ubona cyararangiye muri APR.

    Ikindi, Amavubi muyategurire umukino wa gicuti, nayo ni motivation.
    Twishaka umusaruro tutaruhiye cg ntacyo twasohoye ngo utegurwe.

  2. Arera jon’s

    Kuya 16-06-2017 saa 16:18'

    Rwanda na tanzania murimo kuruhira uganda nawuzayicyika kbs!!kuko legue yayuganda ubu iriku yindi level!!from kampala murakoze bavandimwe!

  3. ezechiel

    Kuya 16-06-2017 saa 13:21'

    amavubi bazayasokoza pe


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru