RUHAGOYACU.com
RuhagoYacu  |  Rwanda  |  Amavubi

Kwegura kwa Mico, imwe mu maturufu Antoine Hey yiteguye gutsindisha Uganda

Kwegura kw’Umutoza mukuru wa Uganda Cranes habura ibyumweru bibiri ngo bakine n’Amavubi, Umutoza Anoine Hey asanga ari ikimenyetso cy’intugunda muri iyo kipe, kikaba kimwe mu bizatuma Amavubi Stars ashobora kuhacana umucyo.

Ibi Antoine Hey yabigarutseho mu kiganiro yagiranye n’Abanyamakuru kuri uyu wa mbere tariki ya 31 Nyakanga, ubwo yagaragazaga ishushi y’ikipe y’igihugu y’u Rwanda yatangiye umwiherero yitegura umukino agomba guhuramo na Uganda mu mpera z’icyumweru gitaha.

Umutoza Antoine Hey asangaUganda Cranes ari yo iri ku gitutuUmutoza Antoine Hey asangaUganda Cranes ari yo iri ku gitutu

Abajijwe ku cyo avuga ku kwegura kw’Umutoza mugenzi we, Mico watozaga Uganda, Antoine Hey yavuze ko ari amahirwe ku ikipe ye (Amavubi), ariko ko agomba kwitegura mu buryo bwe nk’uwifuza kujya mu mikino ya nyuma y’igikombe cya Afurika gikinwa n’abakina imbere mu bihugu byabo (CHAN).

Ati “Ubwo butumwa bwangezeho ko umutoza yasezeye, nta gushidikanya ko ari ikibazo gikomeye ku ikipe ya Uganda kuba umutoza yarasezeye, umutoza mushya azaza arebe abakinnyi kandi abatoza mu gihe habura ibyumweru bibiri ngo bakine natwe.”

“Kandi umukino bazatwakiramo bagomba kuwutsinda mu buryo bwose bushoboka. Twebwe tuguwe neza, ndibaza ko hari intugunda muri Uganda muri iyi minsi.”

Abakinnyi b'amavubi bo Morali ni yoseAbakinnyi b’amavubi bo Morali ni yose

Amavubi yatangiye imyitozo ari abakinnyi 21 kuko Eric Iradukunda arimo gushaka ibyangombwa ngo ajye gukina hanze y’u Rwanda, icyakora na we akaba ategerejwe mu mwiherero, dore ko ari n’umukinnyi ubanzamo.

Iyi kipe irimo abakinnyi bashya batanu aribo Kimenyi Yves, Mutsinzi Ange, Nyandwi Saddam, Nshimiyimana Imran na Biramahire Christophe Abedy, aba bose bakaba barongewemo hagendewe ku busesenguzi bw’abatoza, bibanze cyane ku byo abo bakinnyi bafite kandi bibura mu ikipe y’igihugu Amavubi.

Abakinnyi b'Amavubi barimo bishyushya mbere yo gutangira imyitozo bitegura Uganda Abakinnyi b’Amavubi barimo bishyushya mbere yo gutangira imyitozo bitegura Uganda

Aha ni ho haturutse isezererwa rya Mpozembizi Mohamed, Mugisha Gilbert na Mico Justin wavunitse, ndetse no kongera kubura mu ikipe y’igihugu kwa Muhadjiri Hakizimana, Manishimwe Djabel, Sekamana Maxime n’abandi bitwaye neza mu mikino baheruka gukina.

Amavubi arimo gukora imyitozo inshuro ebyiri ku munsi, akazahaguruka mu Rwanda kuwa kane tariki ya 10 Kanama yerekeza i Kampala, aho azaba agiye gukina na Uganda Cranes mu mukino uteganyijwe kuwa gatandatu tariki ya 12 Kanama.

Ikipe izarokoka hagati y’u Rwanda Uganda izahita ibona itike yo kujya muri CHAN 2018 iteganyijwe kuba mu mpera z’ukwezi kwa Mutarama igasozwa muri Gashyantare, ikazabera muri Kenya.

Amavubi agiye gukina na Uganda nyuma yo gusezerera Tanzania ku gitego cyo yayinjije hanze, dore ko amakipe yombi yanganyije 1-1 uteranyije imikino yombi, mu gihe Uganda yo yasezereye Sudani y’epfo ku bitego 5-1 mu mikino yombi, byatsinzwe mu mukino wo kwishyura wonyine, dore ko ubanza bari banganyije.

Umutoza Antoine Hey asangaUganda Cranes ari yo iri ku gitutuUmutoza Antoine Hey asangaUganda Cranes ari yo iri ku gitutu

Umutoza Higiro Thomas na we ngo kuba Bakame atazakina umukino ubanza nta mpungenge biteye kuko amutoreza hamwe n'abandiUmutoza Higiro Thomas na we ngo kuba Bakame atazakina umukino ubanza nta mpungenge biteye kuko amutoreza hamwe n’abandi

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. Bwiza

    Kuya 1-08-2017 saa 09:19'

    Bonne chance ku mavubi.

  2. Celestin

    Kuya 31-07-2017 saa 22:32'

    Amavubiyiri kwirara cyaneko imisambi itugenda hejuru

  3. seba

    Kuya 31-07-2017 saa 17:57'

    nzabandeba ko Uganda itazaduca murihumye


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru