RUHAGOYACU.com
RuhagoYacu  |  Rwanda  |  Amavubi

Mashami na Thomas Higiro bagizwe abatoza mu ikipe y’igihugu

Ishyirahamwe ry’umupira w’amaguru mu Rwanda, FERWAFA, ryamaze kwemeza Mashami Vincent na Thomas Higiro nk’abatoza bungirije Antoine Hey mu ikipe y’igihugu y’umupira w’amaguru, Amavubi.

Mashami Vincent usanzwe ari umutoza w’ikipe ya Bugesera FC azungiriza umutoza mukuru Antoine Hey mu gihe cy’umwaka umwe nk’uko amasezerano y’umutoza mukuru abivuga, kimwe na Thomas Higiro usanzwe ari umutoza w’abazamu mu ikipe ya AS Kigali.

Mashami Vincent yagaruwe mu ikipe y'igihugu AmavubiMashami Vincent yagaruwe mu ikipe y’igihugu Amavubi

Thomas Higiro ubanza i bumoso, yari umutoza w'abazamu muri AS KigaliThomas Higiro ubanza i bumoso, yari umutoza w’abazamu muri AS Kigali

Bimwe mu bitegereje abatoza bose, harimo guhesha u Rwanda itike y’imikino ya nyuma y’igikombe cya Afurika cya 2019 kizabera muri Cameroun, aho u Rwanda ruri kumwe na Ivory Coast, Guinea, na Centrafrique mu itsinda H ry’amajonjora.

Umutoza mukuru, Antoine Hey yanasabwe guhesha u Rwanda itike y’imikino ya nyuma y’igikombe cya Afurika gihuza abakinnyi bakina imbere mu bihugu byayo (CHAN 2018) irushanwa rizabera muri Kenya mu ntangiriro z’umwaka utaha, aho u Rwanda ku ikubitiro ruzakina na Tanzania muri Nyakanga mbere yo gukina ijonjora rya nyuma.

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. toto

    Kuya 31-03-2017 saa 22:29'

    Mashami utoza bugesera turamwemera welcome mu mavubi twizeye ko tuzagera kure

  2. DIDI

    Kuya 31-03-2017 saa 08:10'

    Aha ho ndemeranya na FERWAFA gusa hazabeho imikoranire myiza hagati yabo batoza

  3. -####-

    Kuya 31-03-2017 saa 08:02'

    mashami turamwemera Niwe mutoza wambere mu Rwanda

  4. higiro jean baptiste

    Kuya 30-03-2017 saa 21:43'

    dore ingufu za karibu mujya mwumva rero, gukura mugisha mumavubi ukamusimbuza wembo thomas mwene wembo Adolfe? yewe nihatari peee! !! ukuyeho umugande ushyizemo umunyekongo, kera tukiga kuri st albert wembo thomas yari umu zaïrois wuzuye 100 ku rindi ageze ino natunguwe no kumva yiyita higiro none ngaho amavubi arayarongoye mugabo thomas azi guhakirizwa no kwimenyekanisha. kuri mashami we rwose arabikwiye kuko azi gutoza ikindi nejobundi yerekanye ko arusha abatoza bo mu rwanda abaryana umwanya wa mbere.gusa reka twifurize nzamwita Vincent je vole niyo staff ye na karibu ibyiza gusaa.

  5. irankunda manasseh

    Kuya 30-03-2017 saa 21:24'

    nibyiza abo batoza turabishimiye ariko biyambaze abanyamakuru babafashe guhamagara abakinnyi


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru