RUHAGOYACU.com
RuhagoYacu  |  Rwanda  |  Amavubi

Perezida wa FERWAFA yasobanuye impanvu Amavubi atari gukina imikino ya Gicuti

Ikipe y’igihugu Amavubi ntiri kugaragara mu mikino ya gicuti, mu gihe iminsi iba yarashyizweho na FIFA ifasha amakipe kuba yahura agapima urwego rw’abakinnyi bayo, iri gukomeza gutambuka, u wa nyuma muri 2016, ukaba na wo ntacyo umariye Amavubi.

Amavubi aheruka mu kibuga ubwo u Rwanda rwakinaga na Ghana i Accra tariki ya 03 Nzeli uyu mwaka, kuva icyo gihe, ntago Amavubi arasubira mu kibuga.

Amavubi aheruka mu kibuga anganya na Ghana igitego 1 kuri 1Amavubi aheruka mu kibuga anganya na Ghana igitego 1 kuri 1

Umunsi washyizweho w’imikino ya gicuti mu kwezi kwa 10, wasize Amavubi nta mukino agaragayemo, akaba ari nako bizagenda muri uku kwezi kwa 11, kuko na bwo Amavubi nta mukino wa gicuti ateganyirijwe.

Bikaba rero byibazwa na benshi mu bakunda umupira w’amaguru hano mu Rwanda igituma Amavubi atari gukina, mu gihe cyari kuba ari igihe cyiza ko aba basore bipima mu mikino ya gicuti, bakaba bakongera kumenyerana.

RuhagoYacu yabajije Nzamwita Vincent De Gaulle uyobora ishyirahamwe ry’umupira w’amaguru mu Rwanda impanvu nta mikino Amavubi ari gukina, avuga ko ahanini biri guterwa na gahunda FERWAFA yihaye y’igihe kirambye.

Yagize ati, « Kuri ubu ahanini biraterwa na gahunda twihaye yo guteza imbere umupira w’amaguru mu gihe kirambye. Twasanze rero amafaranga dufite macye atakoreshwa mu mikino ya gicuti, dore ko nta n’imikino ihambaye twitegura mu gihe cya vuba. »

De Gaulle akomeza avuga ko amafaranga ubu bari kubona yose ari gushyirwa mu guteza umupira w’amaguru w’abato, aho kuyashora mu myiteguro y’ikipe y’igihugu.

« Dufite gahunda yo guteza ruhago imbere y’abakiri bato, iratangira neza mu kwezi kwa 2 umwaka utaha, amafaranga rwose ubu turi kubona yose ni ho ari kwerekeza, » Umuyobozi wa FERWAFA .

Ibi bivuga ko Amavubi ashobora kumara amezi 6 adakinnye umukino n’umwe kuko CECAFA Senior Challenge nayo hari igihe itabaho mu mpera z’uyu mwaka wa 2016, hakazabaho Kagame Cup yonyine.

Amezi 6 nta gihindutse azihirika Amavubi adakandagiye mu kibugaAmezi 6 nta gihindutse azihirika Amavubi adakandagiye mu kibuga

Gusa Perezida wa FERWAFA ku ruhande rwe avuga ko nta mpungenge nini zagakwiye kubaho, akaba yanakomeje abwira RuhagoYacu, ko umwaka utaha bizahinduka, kuko FIFA iteganya kujya itanga amafaranga ku bihugu yafasha, gutegura imikino ya gicuti.

Amavubi ntiyitwaye neza mu mikino iheruka kuko yatsinze umukino umwe gusa , mu mikino 7 aheruka gukina, umukino babashije gutsindamo ibirwa bya Maurice ibitego 5 ku 0, naho indi mikino 5 barayitsindwa, banganya umukino 1.

Ku rutonde ngarukakwezi rwa FIFA, kuri ubu u Rwanda ruri ku mwanya w’i 107, rukaba rwaratakaje imyanya ikabaka 50 mu gihe cy’amezi 18 ashize.

Map : Ahabanza  \  Rwanda  \  Amavubi

Ibitekerezo byatanzwe kuri iy'inkuru

  1. Katauti

    Kuya 14-11-2016 saa 04:18'

    Hahahahahahahahahaha

  2. murenzi

    Kuya 5-11-2016 saa 00:53'

    degole arananiwe kabisa kuko na discourt atanga ntabwo zumvikana neza

  3. Ahishakiye

    Kuya 3-11-2016 saa 12:29'

    uyu devole atorwa ntiyari yavuzeko nadashyiraho championa z’abana u15 azahita yegura yabivugiye kuri radio rwanda ndibuka patric na rutamu nibo barikumwe muri studio nne byaburiye mwisiza nibyari bisakaye arabishenye! amavubi amare amezi angana gutya nta mutch n’imwe!!! egura, egura, egura. urananiwepe!

  4. Mugisha Huzairu

    Kuya 2-11-2016 saa 12:22'

    Arko Munyumvire Nukuri! Ese Mubyukuri Ferwafa Na Minisport, Babuze Amafaranga Yo Gutegura Umukino Wagishuti? Ngo Barimo Gutegura Abana, Igihe Babivugiye Ko Batarabishyira Mubikorwa. Ahubwo Bavuzeko Iyo Ariyo Turufu Babonye Barishisha. Gusa Nukuri Degaulle Arakabije Pe!

  5. Theobard

    Kuya 2-11-2016 saa 09:02'

    Uyuwe yarasaze! ariko degaule yazeguye koko! ndibuka agitorwa rutamu

  6. nzeyimana ismail

    Kuya 2-11-2016 saa 03:39'

    munyumvire uwo prezida wanyu ngo ni NZABIBA VINCENT JE VOLÉ alias degaule, ukirisha iturfu ngo yo gutegura abana ye nyamara mwibuke ko igihe yajyagaho aribyo yarashyize imbere. none c mwambwirako guteza imbere umupira w’abana nukutuburiza abana batarengeje imyaka 17 kwitabira amarushanwa nyafurika? mugihe ariho urwanda rwaba rwaraduhagarariye mu gikombe cy’isi? ? ubuc bariya bana bo mu isonga na apr académie bari kuburamo abaduhagararira koko? ? navuge ko yaje guteza imbere karibu fc ubundi areke kubeshya abanyarwanda.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru