RUHAGOYACU.com

Hibutswe Aba-Rayon bazize Jenoside, abandi bashyirirwaho ikigega cy’ingoboka

Mu rwego rwo Kwibuka ku nshuro ya 23 Jenoside yakorewe Abatutsi mu Rwanda, Umuryango Rayon Sports wibutse by’umwihariko abari abakinnyi, abayobozi n’abakunzi b’ikipe yawo, hanatangizwa ikigega kizajya kigoboka abari mu kaga cyangwa ibikorwa by’umuryango.

Kuwa 7 Mata ni bwo hatangira igikorwa cyo kwibuka Jenoside yakorewe Abatutsi muri Mata 1994, aho hanacanwa Urumuri rw’Icyizere ruzima nyuma y’iminsi ijana, ishushanya iyo inzirakarengane zisaga miliyoni zishwemo.

Abanyamuryango ba Rayon Sports ndetse n'abayobozi muri uwo muryango babanje gukora Urugendo rwo kwibuka rwerekezaga i Nyanza ya KicukiroAbanyamuryango ba Rayon Sports ndetse n’abayobozi muri uwo muryango babanje gukora Urugendo rwo kwibuka rwerekezaga i Nyanza ya Kicukiro

Mbere y’uko iyo minsi 100 yo kwibuka ku nshuro ya 23 Jenoside yakorewe Abatutsi mu Rwanda, Umuryango Rayon Sports wakoze igikorwa cyo kwibuka muri rusange, ndetse by’umwihariko abari abayobozi, abakinnyi ndetse n’abakunzi b’ikipe ya Rayon Sports FC bazize Jenoside yakorewe Abatutsi muri Mata 1994.

Gacinya Chance Denys, Umuyobozi w’ikipe ya Rayon Sports yatangaje ko ari igikorwa ngarukamwaka Umuryango iyo kipe ishamikiyeho izajya ikora cyane ko kwibuka ari ibya buri muntu wese ariko iyo kipe ikaba hari abayo bazize batikiriye muri Jenoside yakorewe abatutsi mu 1994.

Ati “Twari mu gikorwa cyo Kwibuka tugendeye kuri gahunda yo kwibuka mu gihe cy’iminsi 100, Twibukaga abazize Jenoside yakorewe abatutsi muri rusange ariko by’umwihariko hari n’aba-Rayon banshi batikiriyemo, baba abakinnyi, abahoze ari abanyamuryango ndetse n’abayobozi bayo, na bo twaboneyehoakanya ko kubibuka.”

Bahawe ibiganiro bitandukanye ku nsanganyamatsiko yo Kwibuka ku nshuro ya 23 Jensoide yakorewe Abatutsi mu RwandaBahawe ibiganiro bitandukanye ku nsanganyamatsiko yo Kwibuka ku nshuro ya 23 Jensoide yakorewe Abatutsi mu Rwanda

Mu rwego rwo “Kwibuka Twiyubaka no guharanira kurinda ibyagezweho”, Umuryango Rayon Sports waremeye imiryango ibiri yasizwe iheruheru na Jenoside, mu rwego rwo kubafata mu mugongo no kubarinda kwigunga.

Aba-Rayon bashyiriweho ikigega cy’ingoboka

Nk’uko Gacinya yakomeje abisobanura, mu rwego rwo gutuma igikorwa cyo kwibuka mu buryo buhoraho abazize Jenoside yakorewe abatutsi no kugoboka abari mu kaga cyane cyane abasizwe iheruheru, Umuryango Rayon Sports watangije ikigega cy’ingoboka, gitangirana amafaranga asaga miliyoni n’igice.

Gacinya yagize ati “Tumaze gutangiza ikigega kizajya kidufasha muri ibi bihe ndetse n’ibindi muri rusange, twahaye izina ry’Ingoboka’ kugirango kijye kigoboka abafite ibibazo mu buzima busanzwe cyangwa se batewe n’amateka, ariko igitekerezo twagikuye kuri iki gikorwa kuko turashaka ko buri mwaka Umuryango Rayon Sports uzajya uhora wibuka kuko hari abawo benshi bayitikiriyemo.”

Ubuyobozi bwa Rayon Sports bwiyemeje gushyiraho itariki ngarukamwaka kandi idahinduka yahariwe ibikorwa byo kwibuka abazize Jenoside yakorewe AbatutsiUbuyobozi bwa Rayon Sports bwiyemeje gushyiraho itariki ngarukamwaka kandi idahinduka yahariwe ibikorwa byo kwibuka abazize Jenoside yakorewe Abatutsi

Icyo kigega ngo cyatangijwe kugirango kijye kinabafasha gutegura icyo gikorwa cyo kwibuka hakiri kare, bityo hamenyekane abagomba gufashwa n’ibyo bazafashishwa, kandi imipaka ikaguka kikaba cyanafasha n’abakinnyi cyangwa abandi ba-Rayon baba barabanye nay o ariko nyuma bakaza kugira ibibazo bikeneye ubufasha.

Mu gutangiza iki kigega hahise haboneka amafaranga arenga 1 500 000frw, ndetse ngo no mu mafaranga yinjira muri Rayon sports hazajya hakurwaho ayo gushyira muri icyo kigega cy’ingoboka, ariko kandi ngo gutanga inkunga muri icyo kigega buri mu-Rayon wese biramureba.

Umuryango rayon Sports uranateganya gushyiraho itariki idahinduka ndetse n’ukwezi ngarukamwaka bizwi hazajya haberaho icyo gikorwa cyo Kwibuka abazize Jenoside yakorewe Abatutsi.

Rayon Sports yaremeye babiri barokotse Jenoside yakorewe abatutsi muri Mata 1994Rayon Sports yaremeye babiri barokotse Jenoside yakorewe abatutsi muri Mata 1994

Dore urutonde rw’abanyamuryango ba Rayon Sports bazize Jenoside yakorewe Abatutsi muri Mata 1994

Abakinnyi:

1.Murekezi Raphael Alias Fatikaramu.
2.Munyurangabo Rongin
3.Bosco (Mwene Ruterana)
4.Kirangi
5.Misili
6.Abba
7.Rutabingwa
8.Kalisa
9.Kayombya Charles
10.Mazina
11.George
12.Nyirirugo Antoine

Abari muri komite ya Rayon Sports:

1.Mujejende Benoit
2.Agronome Janvier
3.Kayombya Selesi
4.Munyamasheke
5.Viateur

FERWAFA na yo yari yaje kwifatanya na Rayon Sports ihagarariwe n'Umunyamabanga mukuru wayoFERWAFA na yo yari yaje kwifatanya na Rayon Sports ihagarariwe n’Umunyamabanga mukuru wayo

Abarokotse Jenoside Rayon Sports yahereyeho iremeraAbarokotse Jenoside Rayon Sports yahereyeho iremera

Map : Ahabanza  \  Rwanda  \  Kwibuka 21

Ibitekerezo byatanzwe kuri iy'inkuru

  1. emmy

    Kuya 4-07-2017 saa 23:19'

    Iki gikorwa ni cyiza.muduhe numero de compte tuzajya tuyanyuzaho dutera inkunga.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru