RUHAGOYACU.com

AS Muhanga, Rwamagana na Miroplast zageze muri 1/2

Amakipe ya AS Muhanga, Rwamagana City na Miroplast yakatishije itike yo gukina imikino ya 1/2 mu cyiciro cya kabiri, ubwo yitwaraga neza mu mikino yo kwishyura yabaye kuri uyu wa Gatandatu.

I Muhanga, ikipe yaho ya AS Muhanga yanganyije na Rugende 0-0 mu mukino wo kwishyura, ikomeza muri 1/2 ku bitego 3-2 yari yatsindiye ku kibuga cya Rugende.

Rwamagana City yatsinze Heroes FC ibitego 3-0 nyuma yo kunganya igitego 1-1 mu mukino ubanza, bifasha iyi kipe yo mu ntara y’uburasirazuba gutera intambwe ishobora kuyigarura mu cyiciro cya mbere.

Mu wundi mukino wabaye, Miroplast yakoze ibyo yasabwaga ku kibuga cyayo, ibona igitego 1-0 mu mukino wo kwishyura yari yakiriyemo Sorwathe FC yari yatsinze ibitego 3-2, maze hitabazwa itegeko ry’igitego cyo hanze.

Umukino wagombaga guhuza ikipe y’Isonga FC na Vision FC wimuriwe tariki ya 10 uku kwezi ni nyuma yaho Vision FC ivuze ko abakinnyi bayo benshi bari mu mikino y’Amashuri Kagame Cup irimo kuba mu mpera z’iki cyumweru.

Mu mukino ubanza wari wakiriwe na Vision FC, Isonga FC yawutsinze ku bitego 2-0.

Amakipe abiri agera ku mukino wa nyuma, ni yo abona amahirwe yo kuzamuka mu cyiciro cya mbere mu mwaka ukurikira w’imikino.

Uko imikino ibanza ya 1/4 yari yagenze

  • Sorwathe Fc 3-2 Miroplast Fc
  • Rugende Fc 2-3 AS Muhanga
  • Heroes Fc 1-1 Rwamagana City Fc
  • Vision Fc 0-2 Isonga Fc

Imikino yo kwishyura

Kuwa Gatandatu

  • AS Muhanga 0-0 Rugende Fc (3-2 Agg.)
  • Miroplast Fc 1-0 Sorwathe Fc (3-3 Agg.)
  • Rwamagana City 3-0 Heroes Fc (4-1 Agg.)

Tariki ya 10 Kamena 2017

  • Isonga Fc vs Vision Fc (Ferwafa, 15:30)

Izindi nkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye nâ€â„¢inkuru cyangwa gitandukiriye amahame agenga abasiporitifu kirasibwa.
    Murakoze!