RUHAGOYACU.com

Ku bwa burembe, Isonga FC yasezereye AS Muhanga igaruka mu cyiciro cya mbere

Igitego 1-0 mu mukino ubanza no kunganya 0-0 mu mukino wo kwishyura, bitumye AS Muhanga isezererwa muri ½ cy’irangiza maze Isonga FC ihita izamuka mu cyiciro cya mbere yahozemo.

Umukino watangiye amakipe yombi asa n’acungacungana ku jisho, AS muhanga ikarusha Isonga FC gusatira, dore ko ari na yo yari ifite umwenda w’igitego yatsinzwe mu mukino ubanza, ubwo yatsindirwaga i Kigali igitego 1-0.

Icyakora Isonga FC yakomeje kwihagararaho, ku buryo byatumye umukino urushaho gukomera, dore ko warimo ishyaka n’imbaraga byo ku rwego rwo hejuru. Ibyo ni byo banaviriyemo ikipe ya AS Muhanga kuvunikisha umukinnyi hakiri kare, ubwo ku munota wa 19 Kubwamariya Silas yavunikaga ukuboko nyuma yo kugongana na Ishimwe Christian wa Isonga FC.

Abakinnyi b'Isonga bari bakaniye uyu mukinoAbakinnyi b’Isonga bari bakaniye uyu mukino

Umukino wakomeje gukinirwa ahanini mu kibuga hagati, AS Muhanga ikanyuzamo igasatira ariko ba myugariro ba Isonga bari bayobowe na Uwineza Aime Placide bakomeza kwihagararaho, kugeza ubwo igice cya mbere cyarangiraga bikiri 0-0.

Igice cya kabiri cyatangiye gikinwa nk’uko icya mbere cyari cyarangiye, Isonga FC ikinira inyuma cyane irinda izamu ryayo, AS Muhanga yo igaragaza impamyi y’igitego.

Umutoza Abdou Mbarushimana yagerageje gushakira ibisubizo mu gusimbuza no kubwira abakinnyi be gusatira baciye mu mpande ariko Gatera Moussa wa Isonga FC we akomeza kugarira, ari na ko abwira abakinnyi be kubuza abo hagati ba AS Muhanga gukina, biranamuhira.

Yirinze gusimbuza hakiri kare, abikora mu minota 10 ya nyuma y’umukino, aho yakuyemo Mugisha Patrick akinjiza Mugisha Yvan, ndetse habura iminota ibiri akuramo Ishimwe Claude yinjiza Mandela Robert.

Umukino warinze urangira ari 0-0, AS Muhanga iba isezerewe na Isonga FC ku gitego 1-0 uteranyije imikino yombi.

Abakinnyi babanjemo ku mpande zombi:

AS Muhanga: (GK) Munyaneza Jacques (30), (C) Niyigena Jully Moise (19), Rucogoza Ilias (4), Kalisa America (20), Himbaza Jacques (24), Munyeshuri Aaron (15), Niyibizi Emmanuel (13), Habimana Yves (10), Kubwamariya Silas (18), Ntirushwa Aime (11), Niyonkuru Jean Luc (22).

Isonga FC: (GK) Iradukunda Emmanuel (28), Ndabarasa Tresor (16), Ishimwe Cristina (6), Uwineza Aime Placide (4), Nkubana Marc (2), Turatsinze Peter (17), (C) Bonane Janvier (8), Cyitegetse Bogarde (3), Rutayisire Aman (21), Ishimwe Claude (10), Mugisha Patrick (12).

Isonga yari yakoze ibishoboka ngo igume mu cyiciro cya mbere gusa bigiye kurangira byanzeIsonga yari yakoze ibishoboka ngo igume mu cyiciro cya mbere gusa bigiye kurangira byanze

AS Muhanga yabanje mu kibugaAS Muhanga yabanje mu kibuga

Umukino wari indyankurye......!Umukino wari indyankurye......!

Abakinnyi b'Isonga bari bakaniye uyu mukinoAbakinnyi b’Isonga bari bakaniye uyu mukino

Ibitekerezo byatanzwe kuri iy'inkuru

  1. fidele muhizi

    Kuya 22-06-2017 saa 16:36'

    eewana bakomerezaho2 ntacyo batazageraho nibakomeza neza nigikombe nicyabo

  2. gustave

    Kuya 19-06-2017 saa 02:29'

    isonga garuka nubundi turakwemera nukudutenguha.Muhangayo nubundi nukuhasura nigirevuba yisubirireyo murakoze.

  3. musesenguzi

    Kuya 17-06-2017 saa 19:25'

    Nidashaka abakinnyi ni ukujya ibatizwa gusa. Ibaze Kiyovu FC


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru