RUHAGOYACU.com

APR FC bageze i Huye muri bus ya RFTC, imvura ikaze ihagarika imyitozo mbere yo guhura na Mukura- Byinshi ku mukino

Ikipe ya APR FC yagombaga gukorera imyitozo kuri Stade ya Huye barakiniraho na Mukura Victory Sports ntibyayishobokeye, aho imyitozo yahagaritswe n’imvura yaguye bamaze kugera mu kibuga.

Mukura Victory Sports irakira APR FC mu mukino w’umunsi wa 18 wa shampiyona urabera kuri Stade ya Huye saa 15:30.

APR FC yahagurutse i Kigali kuri uyu wa Kane saa Tatu za mugitondo yageze i Huye ku gicamunsi ndetse bagombaga gutangira imyitozo saa 17:00 kuri Stade Huye yabanje gukorerwamo na Mukura Victory Sports guhera saa 15:00.

Ahagana ku i saa 16:30 nibwo APR FC bari mu modoka ya RFTC (imodoka zimenyerewe mu gutwara abagenzi) yageze kuri Stade ya Huye ndetse bakigera mu kibuga ngo batangire imyitozo, imvura nyinshi yaguye biba ngombwa ko bataha badakoze.

APR FC ubwo berekezaga i Huye kuri uyu wa KaneAPR FC ubwo berekezaga i Huye kuri uyu wa Kane

Bus yazanye abakinnyi ba APR FCBus yazanye abakinnyi ba APR FC

Iyi na yo yajemo abayobozi bari kumwe n'ikipe kuri uyu wa KaneIyi na yo yajemo abayobozi bari kumwe n’ikipe kuri uyu wa Kane

Nk’uko RuhagoYacu ibikesha, Kazungu Claver uvugira iyi kipe, APR FC baje n’iyi modoka nyuma yaho bus yabo, ndetse n’izindi za gisirikare ziza gutwara abayobozi mu mwiherero i Gabiro.

Umutoza w’ikipe ya Mukura Victory Sports, Ivan Jacky Minnaert yabwiye itangazamakuru ko biteguye guhangana n’ikipe ya APR FC kandi yiyizeye we ubwe.

‘’Njye sintegura ndeba APR FC ndeba uko narushaho gutuma ikipe ikina neza. Sindeba andi makipe, ndeba ikipe yanjye. Aho nanyuze hose ndeba imbaraga zanjye, nkareba ikipe yanjye. Sinjya mu byo kwigereranya n’ikipe y’abandi, ahubwo nibo bakabaye banyigereranyaho."

"Ejo tuzakina n’abasirikare ariko twe tuzaba turi indwanyi."

"Nizere ko ahubwo nzabona Stade yabaye umuhondo."- Minnaert wakoresheje imyitozo icyumweru cyose nta muntu winjira muri Stade.

Jimmy Mulisa, ntiyishimiye kuba APR ikinnye ibirarane mbere ya Rayon Sports.

Abakinnyi n'abatoza ba APR FC bategereje ko Mukura isoza, imvura isanga bagikandagira mu kibugaAbakinnyi n’abatoza ba APR FC bategereje ko Mukura isoza, imvura isanga bagikandagira mu kibuga

Ku ruhande rwa Mukura Victory Sports, Mwiseneza Daniel yujuje amakarita atatu y’umuhondo, Kwizera Tresor arwaye Malariya, naho Nshimiyimana Ibrahim afite imvune yakuye ku mukino wa Etincelles, aba bose ntibarakina uyu mukino.

Ivan Minnaert utoza Mukura akaba yatangaje ko kandi hari n’abakinnyi yabaye ahanishije gusubira mu ikipe y’abato ku mpamvu zo kutitwara neza mu myitozo, aba barimo; Ngama Emmanuel, Rushami Valentin, Bukuru Christophe na Ndikumana Patrick.

’’Ni abantu badashaka gukurikira ikipe.Njye since kuruhande, nifuza gusa ko abantu baba hamwe nta kindi.Abatabishoboye mbigiza hirya."

Usengimana Faustin mu bakinnyi 2 ba APR FC bakuwe mu bazakina na Mukura VS.

Umunyamabanga w’ikipe ya Mukura Victory Sports, Niyobuhungiro Fidel, yatangarije RuhagoYacu ko uyu mukino urabimburirwa n’urahuza abana bo mu ishuri ry’umupira w’amaguru rya Mukura Victory Sports n’iry’abo mu ishuri rya ruhago rya APR FC saa Saba (13:00).

Ibindi wamenya kuri uyu mukino:

  • Umukino uheruka guhuza amakipe yombi APR FC yawutsinze ku bitego 3-1 i Kigali.
  • Umukino Mukura iheruka kwakiramo APR FC muri Mata umwaka ushize, APR FC yawutsinze ku bitego 2-1.
  • Mu mikino 3 iheruka, Mukura yakiriyemo APR FC yose yarayitakaje, itsindwa 1-0, 2-0 na 2-1.
  • Mu mikino 26 iheruka guhuza amakipe yombi, intsinzi ya 1-0 yabonetse inshuro 13.
  • Mukura iheruka gutsinda APR FC mu mukino ubanza w’umwaka ushize w’imikino ku bitego 2-0 i Kigali.
  • Umukino wabonetsemo ibitego byinshi ni uwabaye kuwa 15/4/2010, APR FC ikanyagira Mukura ibitego 4-1.
  • Mu mikino 26 iheruka kuzihuza zombi, Mukura yatsinzemo 5, banganya 3, APR FC itsinda isigaye.
  • APR FC imaze imikino itatu yikurikiranya nta ntsinzi (Kunganya bakanatsindwa na Zanaco mbere yo kunganyiriza i Nyamagabe).
  • Nyuma yo kuzana Ivan Minnaert, Mukura batsinze Pepiniere FC, bananganyiriza i Rubavu hamwe na Etincelles.
  • Ivan Minnaert ntaratsindwa mu mikino 4 amaze gutoza mu Rwanda (Rayon vs Gicumbi, Rayon vs Kiyovu) wongeyeho iyo muri Mukura.

Ibitekerezo byatanzwe kuri iy'inkuru

  1. rulove

    Kuya 24-02-2017 saa 12:47'

    ikibazo si aho kugenda kuko n’abanyonga igare bari guhesha igihugu ishema.
    KBS, RFTC ndetse na V8 wazigenzemo zose uba wicaye wayikodesheje kdi ugatsinda cg ugatsindwa. rero ikigamijwe ni amanota atatu n’iyo cyaba igitego kimwe! Ruhago isabanisha abantu si intambara rwose!!! iyo ukosora cg utanga inama sibyiza gutesha agaciro no kwandagaza uwo bireba.

  2. ange

    Kuya 24-02-2017 saa 06:13'

    apr muri zazindi zihamagara mumujyi kwa rubangura ndavuga tax hahahaha

  3. Vincent

    Kuya 24-02-2017 saa 02:52'

    Nejejwe no kubona APR bagenda muri iyi bus irabakwiye kubera umusaruro bafite.Basetse rayon ariko bagiye muri bus iciriritse cyane nibumve ko nabo bibaho

  4. Bwiza

    Kuya 24-02-2017 saa 00:55'

    Ariko rero hakorwe ubukangurambaga bwo kwirinda malariya mu bakinnyi kuko ndambiwe kumva havugwa malariya mu bakinnyi kbsa, bajye baryama muri supanet. Murakoze

  5. 333

    Kuya 23-02-2017 saa 23:35'

    Mukura iratsinda2-1

  6. djrkd

    Kuya 23-02-2017 saa 23:25'

    Aba sibo basetse Rayon ngo yaje gukina muri KBS ra? None bo baje muri RFTC. Harya zose si Taxi? Icya ngombwa ni ukugira ku kibuga ku gihe. Icyifuzo ni uko imikino yajya iberaho guhuza abantu apana kubatanya.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru