RUHAGOYACU.com

Gicumbi yaje Gutembera i Kigali, ihawe impamba y’ibitego 6 na Rayon Sports

Ikipe ya Gicumbi FC yari yaje i Kigali gukina umukino wa shampiyona w’ikirarane n’ikipe ya Rayon Sports, ihaherewe isomo rya ruhago n’abasore ba Masudi Djuma, ihatsindirwa ibitego 6 byose kuri 1.

Iyi kipe iri kurwana no kudasubira mu cyiciro cya 2, yatsinzwe ibitego 4 mu gice cya mbere, bayongera 2, yanga kugenda itavuze, ibona impazamarira mu minota y’inyongera.

Kwizera Pierrot wari wagarutse mu kibuga nyuma y’umukino wa Musanze na Rugende yasibye mu cyumweru gishize kubera invune, yafunguye amazamu ku munota wa 8 gusa w’umukino kuri coup franc nk’ibisanzwe, Musoni atamenye aho umupira uciye.

Frank Lomami n’umutwe yatsindiye Rayon Sports igitego cya 2 n’umutwe ku munota wa 14, ku mupira mwiza yari ahawe na Nzayisenga Jean D’Amour.

Ahagana ku munota wa 32, umukinnyi Moustapha Nsengiyunva wari wakomeje kugora Figo wa Gicumbi, yatsindiye Rayon Sports igitego cya 3 muri uyu mukino.

Bagiye kuruhuka ikipe ya Rayon Sports yaje gutsinda igitego cya 4, haburaga umunota umwe bagasubira mu rwambariro, igitego cyatsinzwe na Muhire Kevin, aherejwe na Moustapha.

Rayon Sports ivuye kuruhuka yaje yagenjeje amaguru mato, ntiyongera kotsa igitutu cyane ikipe ya Gicumbi. Okoko yakoze impinduka, ashaka uko yabona byibura igitego, ariko bikomeza kumwangira.

Masudi Djuma wari wagarutse kuri uyu mukino, yakuyemo Kevin Muhire yinjiza Nova Bayama, wongereye imbaraga mu busatirizi bwa Rayon Sports maze botsa igitutu bigaragara ikipe ya Gicumbi.

Ku kazi gakomeye kakozwe n’uyu musore, yahaye Shassir Nahimana umupira, uyu na we awuhereza Moustapha wateye ishoti umuzamu arikuramo, ariko umupira uhura na Lomami Frank wahise atsinda igitego cya 5.

Ikipe ya Rayon Sports muri iyi minota 15 ya nyuma yasatiraga bigaragara ikipe ya Gicumbi, biza kuyihira ahagana ku munota wa 88, ubwo Nova Bayama ku mupira yari ahawe na Shassir Nahimana, yahereje Moustapha wahise atsinda igitego cya 6.

Gicumbi FC yaje kwinyara mu isunzu ibona agatego k’impozamarira cyatsinzwe na Ndayambaje Suleiman, nyuma yaho ubutembere yagiriye mu mujyi wa Kigali kuri uyu wa kabiri butayihiriye, kuko yaba amafaranga yaje gushaka icyuye macye, ugereranije nayo yashakaga, amanota ikayasigira Rayon Sports.

Rayon Sports ikomeje kwanikira amakipe ayikuriye, itsinze imikino 2 iri mbere, yatwara igikombe cya shampiyona mu cyumweru gitaha, ubwo izaba ikina na Mukura VS, nyuma y’imikino 2 izakinamo na Musanze mu gikombe cy’Amahoro.

Rayon Sports iri ku mwanya wa mbere n’amanota 61, irarusha APR FC amanota 10, ikarusha ikipe ya 3 amanota 13.

Ibitekerezo byatanzwe kuri iy'inkuru

  1. noel

    Kuya 10-07-2017 saa 14:32'

    nishimiye itsinzi ya rayon sport yatwaye igikombe cyachampion nahubundi turasha ka impinduka mumupira w

  2. Gasana

    Kuya 6-05-2017 saa 00:05'

    Muto uwakunyegereza!!! Nakwereka

  3. emery

    Kuya 5-05-2017 saa 21:20'

    mutoni we ivugire nae urabizi ko wayobye naho wavuga utavuga turakurusha amanota10 nikirarana kd ntanukuntu utavuga ubona ikipe yabatsinze 1 kubusa tuyibatiza tarisisi ntakuntu bitakuvugisha ooooooooh rayon

  4. matampi

    Kuya 5-05-2017 saa 19:39'

    abafans bigikona mwihangane kuko ntagikombe cyo murwanda Reyo izabasigira uyu mwaka

  5. fabien

    Kuya 4-05-2017 saa 02:19'

    umutoza jimmy murisa ati turacyafite icyizere cyo gutwara cjampion ariko ubanza bazayitwara kumunwa kuko ndabona cyarabonye nyiracyo pe naho mutoni mumureke ingunguru irimo ubusa yivuza cyane kurusha izirimo ikintu si ibyo bitego bidafite umumaro se kuki batabitsinze zanaco?bo baribabyanze?ndamushinyitse kuko musetse na mubyara kdi ndabona ntifuza kubyara nkawe pe

  6. Jp

    Kuya 3-05-2017 saa 18:47'

    Abafana ba APR mwihangane mwere kutwiyereka .Muri kwisebya gusa.Mutuze Mandi bibaho rwose.Rayon,Gikundiro,Mpatsamakipe Oyeeeeee

  7. Aloys

    Kuya 3-05-2017 saa 15:06'

    @MUTONI B Koko ikiri mu muntu nicyo kimusohokamo. Ntawe usoroma imbuto ku mahwa. Kandi koko umuntu umumenya ari uko avuze. Ese ye niba rayon ibonye igikombe kimwe ikacyishimira bitume buri wese amenya uko uteye? Niba umukire yishimira kurya inkoko, umukene yishimira ko umwana we ariye ibijumba. Ibyo bikubabaze urare udasinziriye wirirwe usakuza? Ese ye niba Rayon itaratsinze Rivers ibitego bitatu kuki mwe mutatsinze ZANACO? N’ibitego by’intoki cg by’amaboko mwarabibuze? Ese rwose mwabonye Championat idafite umumaro bituma mutagishaka gutsinda? Wakweruye ukavuga ko iki gikombe kukibura byabababaje cyane bigatuma mwigaragaza nk’abanyarugambo kdi mwarabitwereraga aba rayon. Iyo utsinzwe jya ubyemera utegure ubutaha. Wemere kandi ko n’undi ibyishimo ugira nawe abyemerewe igihe yabikoreye umureke yishime. Naho nukomeza iyo myumvire ufite ubu ishyari rizakwirahira mba ndoga Data.

  8. Twin Yeah

    Kuya 3-05-2017 saa 10:15'

    Iyi ni yo mobilization ikenewe aho ubona abantu bagaragaza ibyishhimo. Iyo ni yo Sport iyo wumva impande z,igihugu bose bari ku murongo wa Radio Rwanda, stade ingoma zinihira!! Rayons Sports kuva ibigeraho ikipe ni iyi! Mukomereze aho basore! Abaswa basigare mu bigambo!

  9. Mutoni B

    Kuya 3-05-2017 saa 07:53'

    ko abagasenyi mutsindabyinshi iyomutsinda Rivers United byabuze bitatu(3)mukajyamumatsinda muribitandatumwatsinze gicumbi yomukayitsindabitatu(3).mukarekagutsinda ibidafitumumaro mwananiwe gutsinda ahakenewe mwaraguze abanya Mali na barundi ubwo ni mugerimbere ya APR uzasanga muhindumushyitsi mubura nakimwe.ngomwatsinze waosalam. igikombe mubona hashizimyaka nyagatekeri. ariko nibyo gubonyi mbwa ayikeneye ayubakirikibuti.

  10. Mutoni B

    Kuya 3-05-2017 saa 07:45'

    ko abagasenyi mutsindabyinshi iyomutsinda Rivers United byabuze bitatu(3)mukajyamumatsinda muribitandatumwatsinze gicumbi yomukayitsindabitatu(3).mukarekagutsinda ibidafitumumaro mwananiwe gutsinda ahakenewe mwaraguze abanya Mali na barundi ubwo ni mugerimbere ya APR uzasanga muhindumushyitsi mubura nakimwe.ngomwatsinze waosalam.

  11. 1 | 2 | 3


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru