RUHAGOYACU.com

Musanze FC vs Rayon Sports: Amakuru avugwa mu makipe yombi na byinshi wamenya kuri uyu mukino

Musanze FC irakira Rayon Sports mu mukino wa shampiyona igeze ku munsi wa 25, umukino uraba kuri uyu wa Gatandatu saa 15:30 kuri Stade Ubworoherane.

Rayon Sports iyoboye shampiyona n’amanota 55 mu mikino 22 imaze gukina, iraza kuba idafite umutoza mukuru Masudi Djuma wahagaritswe muri iyi kipe, mu gihe umukino utozwa na Nshimiyimana Maurice ‘Maso’ wigeze kungiriza mu ikipe ya Musanze FC.

Nshimiyimana Maurice (hagati) na Lomami Marcel (ubanza ibumoso) baratoza uyu mukino nyuma yo guhagarikwa kwa Masudi (iburyo)Nshimiyimana Maurice (hagati) na Lomami Marcel (ubanza ibumoso) baratoza uyu mukino nyuma yo guhagarikwa kwa Masudi (iburyo)
Nshimyimana Maurice wanatoje umukino wa Rugende, agiye guhura na Musanze yabayemo nk'umutoza wungirijeNshimyimana Maurice wanatoje umukino wa Rugende, agiye guhura na Musanze yabayemo nk’umutoza wungirije

Ku ruhande rw’ikipe ya Musanze FC iza kwakira uyu mukino, umutoza wayo; Habimana Sosthene wananyuze mu ikipe ya Rayon Sports, yatangarije RuhagoYacu ko biteguye umukino neza ndetse nta gitutu batewe na Rayon Sports.

“Navuga ko twiteguye neza, twakoze imyitozo ya nyuma mu gitondo, twiteguye neza nta kibazo. Urebye abakinnyi bose barahari, ariko ntabwo dufite Djuma, hari abandi bari bafite utubazo tw’uburwayi, ariko ntabwo bikanganye, bitewe n’ibisubizo by’abaganga dushobora kuba twabifashisha ariko urebye umubare munini w’abakinnyi tuzakoresha barahari.”

“[Guhura na Rayon Sports ya mbere kandi nahoze ntoza] urebye nta gitutu binshyiraho, ni umukino nk’iyindi isanzwe, nibyo ni ikipe ikomeye tugiye guhura nayo; tuyiteguye nk’ikipe ikomeye, nta mpamvu yo kugira igitutu ngo ni uko ugiye guhura nayo ikomeye, ahubwo wowe mukinnyi, wowe mutoza niho umenya aho uhagaze, niho umenya aho ikigero cyawe kiri, niho umenya aho ubuhanga bwawe buri, ndatekereza ko ari rugero rwiza kuri buri mukinnyi wa Musanze, buri mukunzi wa Musanze kureba koko niba ikipe ye ikomeza guhagarara mu myanya myiza, igumya kwitwara neza. Nta gitutu twakagombye kugira, tuzajya mu kibuga dukina nk’ibisanzwe.”- Habimana Sosthene umutoza wa Musanze FC.

Habimana Sosthene yabisikanye na Masudi Djuma muri Rayon SportsHabimana Sosthene yabisikanye na Masudi Djuma muri Rayon Sports

Rayon Sports yerekeje i Musanze kuri uyu wa Gatanu idafite rutahizamu Moussa Camara ubarizwa muri Asia. Rwatubyaye Abdoul na Sibomana Abouba bamaze iminsi batitabira imyitozo kubera ibibazo by’imvune mu gihe Mugheni Fabrice wasoje ibihano muri iyi kipe, Kwizera Pierrot na Nshuti Savio bari bagize utubazo dutandukanye ku mukino wa Rivers United bitezwe kuri uyu mukino.

Rayon Sports yerekeje i Musanze kuri uyu wa GatanuRayon Sports yerekeje i Musanze kuri uyu wa Gatanu

Ibindi kuri uyu mukino

  • Mu mikino 13 iheruka guhuza amakipe yombi muri shampiyona, Musanze FC yatsinzemo 1, Rayon Sports itsinda inshuro 11, banganya inshuro 1.
  • Rayon Sports yatsinze umukino uheruka guhuza amakipe yombi muri shampiyona ku bitego 4-1.
  • Musanze FC yatsinze umukino uheruka guhuza amakipe yombi i Nyakinama ku bitego 2-0, bituma iguma mu cyiciro cya mbere.
  • Rayon Sports FC imaze imikino 8 yikurikiranya ya shampiyona idatsindwa. Iheruka gutsindwa na APR FC tariki ya 21 Mutarama 2017 ku gitego 1-0.
  • Musanze FC imaze imikino 12 yikurikiranya muri shampiyona idatsindwa. Iheruka gutsindwa n’Amagaju FC tariki ya 7 Mutarama 2017.
  • Rayon Sports iyoboye shampiyona n’amanota 55 mu gihe Musanze FC iri ku mwanya wa gatandatu n’amanota 38.
  • Peter Otema umaze gutsinda ibitego 5 mu mikino yahuje amakipe yombi, ndetse akaba ari we watsinze Musanze FC igitego cya mbere ihura na Rayon Sports mu cyiciro cya mbere, kuri ubu arabarizwa muri Musanze FC.
  • Wai Yeka, rutahizamu umaze gutsindira Musanze FC ibitego 13 na Nahimana Shassir umaze gutsindira Rayon Sports ibitego 12, bombi bategerejweho byinshi muri uyu mukino.

Ibitekerezo byatanzwe kuri iy'inkuru

  1. Djaribu Primien

    Kuya 29-04-2017 saa 21:59'

    Rayon Sport Oyeeee!

  2. Bwiza

    Kuya 29-04-2017 saa 15:00'

    Bonne chance Gikundiro.

  3. faustin nsanzimana

    Kuya 29-04-2017 saa 12:06'

    Musanze turayishwanyaguza kbx.

  4. Barnabee

    Kuya 29-04-2017 saa 09:15'

    Tugomba kubikora nkabareyo dushimangira gutwara igikombe! Rayon3_1musanze

  5. gag Cr7 santos Gaston

    Kuya 29-04-2017 saa 08:09'

    musanzenayo ntibagirwe ibyizatwayikoreye NGO izeyakaniye kbx.

  6. Musesenguzi

    Kuya 29-04-2017 saa 01:04'

    Musanze ni ukuyikwakwanya tukitahira.
    Uriya mukino sinawuburamo.
    Rayon 3_1Musanze ntibizi se!??


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru