RUHAGOYACU.com

Nanjye sinzi aho biri gupfira-Mulisa nyuma yo kunganya na Musanze

Jimmy Mulisa utoza ikipe ya APR FC, aratangaza ko atazi aho ibintu biri gupfira, ngo ikipe ye ibe yabasha kubona intsinzi, nyuma yo gutakaza amanota 2, imbere ya Musanze FC.

Uyu mukino wagiye kuba umutoza Jimmy ari ku gitutu cyo kubona amanota 3, dore ko bamwe mu bafana b’iyi kipe baherutse gusabira uyu mutoza kwirukanwa, amaze gutsindwa na Gicumbi ku wa gatatu w’iki cyumweru.

" Sinzi ahantu ibintu biri gupfira, turatakaza imipira myinshi, kandi navuga ko tutari gukina nk’ikipe," Mulisa Jimmy aganira na AZAM TV, nyuma yo kunganya na Musanze igitego 1-1.

Ni umukino APR FC yari ikeneyemo amanota cyane, ngo irebe ko yabasha kuba iciye kuri Rayon Sports ku rutonde rw’agateganyo, ariko ntibyayihiriye.

Igitego cya Patrick Sibomana cyabonetse mu gice cya 2 ku munta wa 80, nyuma yo kumara iminota myinshi botsa igitutu bigaragara izamu rya Olivier wa Musanze.

Iki gitego cyazaga kishyura icyo rutahizamu Wai Yeka yari yatsinze mu gice cya mbere cy’umukino kuri penaliti, umusifuzi Nsoro ahamije Imanishimwe Emmanuel, gukora umupira mu rubuga rw’amahina.

" Ntabwo twatangiye neza uyu mukino, wabonaga ko ibyo abakinnyi bakoraga byangaga, sinzi icyo bari babaye, akaba ari nayo mpanvu nagerageje gukora impinduka kare, kandi mwabonye ko mu gice cya kabiri, twakinnye neza."

Ku ruhande rw’umutoza Sosthene Habimana avuga ko kudatsindwa na APR FC mu mikino 2, ari akazi keza ku ikipe atoza, ariko ababajwe n’aya manota batakaje.

" Dutsinzwe igitego mu minota 10 ya nyuma, ntabwo binshimishije, kuko habayeho uburangare, umuzamu yari yamaze gukora akazi ke, habura undi umufasha," Sosthene Habimana, utoza Musanze aganira na AZAM TV.

" Abasore bari bakoze ibisabwa, ariko bibaho ko umuntu yakora ikosa nka ririya, bikamuviramo gutakaza amanota. Kudatsindwa na APR FC mu mikino 2, ni akazi gakomeye."

APR FC ubaye umukino wa 3 idatsinze mu mikino 4 imaze gukina mu mikino iheruka muri shampiyona, aho yatsinzwe umukino umwe, inganya imikino 2, itsinda Mukura VS.

Gusa ni icyumweru kitari cyoroshye kuri iyi kipe, ikinnye imikino 4, mu gihe cy’iminsi 9 ishize.

Ku rundi ruhande ikipe ya Musanze FC imaze imikino 7 idatsindwa muri shampiyona, igihe kirekire imaze kuva iyi shampiyona itangiye.

Mu mikino 7 iheruka aba basore ba Sosthene batsinze imikino 4, banganya imikino 3.

APR FC igumye ku mwanya wa 2 n’amanota 39, irarushwa na Rayon Sports ya mbere inota 1. Musanze FC igumye ku mwanya wa 6 n’amanota 29, ikaba irushwa na Bugesera ya 5 amanota 2.

Umukino ukurikiraho, APR FC irasura Kirehe ku wa 6 w’icyumweru gitaha, Musanze FC izakire Kiyovu Sports i Musanze ku cyumweru.

Ibitekerezo byatanzwe kuri iy'inkuru

  1. Aloys

    Kuya 8-03-2017 saa 13:43'

    Ku banyamakuru ba Ruhagoyacu.com ndabadhimira uburyo mutugezaho amakuru y’imikino. Birumvikana ntawe uneza Rubanda kandi impaka z’abafana zizahoraho. Icyo ngirango mbisabire rero nagirango mujye mushyiraho utu video twa biriya bitego na biriya byemezo by’abasifuzi bikurura impaka abantu babibone ku nkuru muba mwatugejejeho zijyanye nabyo. Kuko hari ubwo abantu dupfa kwivugira dukurikije amarangamutima, ariko ka video gahari byafasha benshi. Tubifurije ibyiza, kugira intego no kudacika intege.

  2. ikhu

    Kuya 8-03-2017 saa 08:17'

    Aliko se ko dufite politique mbi yo gukinisha abanyamahanga batarenze batatu, bisobanuye ko ukinnye udakinnyi umwanya uhozeho arawufite noneho muri muteteri ho niyo uri umunyamahanga ibyangombwa birakwizanira ukaba umunyarwanda bivuze ko uhita uba nk’abandi, ubndi ferwafa igatangira kugenda igukingira ikibaba, inyuze kuri ba arbitre ugatsinda ibitego by’intoki kakahava, abantu ukbaca imirundi mu rubuga rw’amahina uhagarikiwe, warangiza ngo amakipe warayamaze, kandi wagera hanze wabura twa dukingirizo, bagahita bagusubiza mu rugo nta mutaru urarenga, ngiyo foot yacu ihagarariwe na na nzamwiba vincent de goal, ubundi muteteri wayo agahora ku isonga mu gutwara ibikombe bya hano mu Rwanda.

  3. samed

    Kuya 6-03-2017 saa 09:41'

    ariko aba reyo baransetsa mwakurikiranye ibyanyu mukatureka niba mukoresha amarozi the mwadushyize hasi . ngarutse kuri Apr yange nkunda ndambiwe izo enterveuw NGO sinzaho biri gupfira ,ngo nabigira nte? akabije kuturwaza

  4. J. nde Dieu

    Kuya 6-03-2017 saa 01:00'

    Niyihangane bibaho kbs

  5. Melchior

    Kuya 5-03-2017 saa 13:02'

    uko mbibona equipe yacu ikina jeux defensif kdi umupira wubu nukwataka ugatsinda byinshi kuko ntiwatsinda utataka

  6. emmenuel

    Kuya 5-03-2017 saa 09:50'

    abagasenyimwe mujye mwituriza imikino yo murwanda ukwikinywa tukuziranyeho rero imikino 4 muminsi 9 Apr ikinnye nubutwari ari umutoza ntako atagize arabakinnyi ntako batagize rero mureke nikipe iruhuke kuyirusha ayamanota subwambere mwaba mubukoze kd igikombe mukakibura

  7. emmenuel

    Kuya 5-03-2017 saa 09:49'

    abagasenyimwe mujye mwituriza imikino yo murwanda ukwikinywa tukuziranyeho rero imikino 4 muminsi 9 Apr ikinnye nubutwari ari umutoza ntako atagize arabakinnyi ntako batagize rero mureke nikipe iruhuke kuyirusha ayamanota subwambere mwaba mubukoze kd igikombe mukakibura

  8. titi

    Kuya 5-03-2017 saa 05:43'

    ahaaaaa,aba rayon nabanyamunwa bareke bibabayeho bavugango ferwafa irabanga ngo apr yabigizemo uruhare,twe ntamatiku tugira tugomba gupfa kigabo nitutanagitwara tuzatwara igitaha ariko tutazamiye kerere

  9. Bwiza

    Kuya 5-03-2017 saa 00:45'

    APR akazi yarakarangije gutsinda Rayon bivuze final!!

  10. Murenzi

    Kuya 4-03-2017 saa 05:14'

    Ahubwo jimmy yarikuza arumukinyi nawe tukajya tumwatakisha apana gutoza en plus equipe nka APR!!!! Birababaje vraiment

  11. 1 | 2 | 3


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru