RUHAGOYACU.com

Ntabwo igikombe turagitwara 100%, buri mwaka Rayon Sports iza ihabwa amahirwe...- Maso

Nshimiyimana Maurice ’Maso’, umutoza wungirije mu ikipe ya Rayon Sports yatangaje ko hakiri kare ku kuba yakwemeza ko ikipe ya Rayon Sports izegukana igikombe cya shampiyona cy’uyu mwaka.

Ubwo yari amaze gutoza umukino Rayon Sports yatsinzemo Bugesera FC kuri uyu wa Gatatu, Maso abajijwe n’itangazamakuru ku mahirwe Rayon Sports ifite yo gutwara shampiyona y’uyu mwaka dore ko amakipe bahanganye akomeje gutakaza amanota umunsi ku munsi, uyu mutoza yavuze ko atabyemeza kandi nanone buri gihe Rayon Sports iba iri mu makipe ashaka igikombe ndetse inahabwa amahirwe.

“Igikombe turacyagihatanira, ubu ni isiganwa, urugamba ruracyakomeje. Ntabwo navuga uyu mwanya ngo ikipe zaratakaje, izo bahura nazo ntawe dushobora guhura nazo. Ikintu cya mbere ni ugushyira ingufu ku mukino ukurikira.”

“Kuba navuga ko igikombe twamaze kugitwara 100%, ntabwo nabyemeza icyo nzi cyo Rayon Sports ni ikipe iza buri mwaka ihabwa amahirwe cyangwa se gushaka igikombe, ibyo ngibyo hari n’izindi kipe zigishaka, ariko aya masaha nakubwira y’uko amahirwe 100% yo kugitwara njyewe ntabwo nabyemeza.”- Nshimiyimana Maurice, umutoza wungirije muri Rayon Sports.

Rayon Sports irahabwa amahirwe yo gutwara shampiyona uyu mwakaRayon Sports irahabwa amahirwe yo gutwara shampiyona uyu mwaka

Mu gihe bagifite imikino ibiri y’ibirarane bazahuramo n’ikipe ya AS Kigali na Sunrise FC, Rayon Sports iyoboye shampiyona n’amanota 46, amanota atanu imbere ya APR FC ya kabiri mu gihe Police FC na AS Kigali zifite amanota 40 mu mikino 21.

Rayon Sports iheruka kwegukana igikombe cya shampiyona mu maka w’imikino 2012/13, igikombe batwaye nyuma y’imyaka igera hafi ku 8, ubwo batwaraga icya 2004.

Ibitekerezo byatanzwe kuri iy'inkuru

  1. didace byiringiro

    Kuya 24-03-2017 saa 18:50'

    OYEEE RAYON TUZATSINDA EJO 3- 1 AS KIGALI ,RAYON 3 AS KIGALI 1. AMEN

  2. rulove

    Kuya 23-03-2017 saa 16:06'

    Maso afite kwizera gucye kbs! Ubu arabona hasigaye iki ngo R.S. itware igikombe?

  3. Musesenguzi

    Kuya 23-03-2017 saa 15:03'

    Kalisa,
    Kubeshya ni bibi. Ntuzabarye kuza kuko dukunda ikipe yacu Rayon ariko ukuri ni uko AS Kigali ariyo izakira Rayon Sports.
    Eric arabizi ko ari Rayon 2_1 AS Kigali. Dore Rayon uhise igira 49 n’ imikino y’indi ibiri itarakina.

  4. victor

    Kuya 23-03-2017 saa 13:23'

    wapi ni Ac Kigali Izakira nonese ntimuziko muri aller aritwe twakiriye police, duhita tujya kwa espoir tugarutse twakira Ac Kigali Ubu rero niyo izatwakira plz don’t confuse!

  5. jean de la criox

    Kuya 23-03-2017 saa 13:08'

    rayon niyo izakira kukazi gakomeye bugesera yahaye aba royan bahakura amanota atatu kuburyo butoroshye mwiteguye mute? ikipe ishaka umwanya wakabiri nizereko atatu arayacu ikipe y’Imana nkumuryango nugari wa rayon sport

  6. ntamasaziro

    Kuya 23-03-2017 saa 13:06'

    REYOSPOR IZAKIRA AS-KIGALI

  7. kalisa

    Kuya 23-03-2017 saa 10:39'

    Rayon sport niyo izakira A S Kigali wangu, muzaze ku bwinshi

  8. Bwiza

    Kuya 23-03-2017 saa 10:21'

    Courage kuri Gikundiro yacu.

  9. mussa karim

    Kuya 23-03-2017 saa 09:24'

    Nabazaga akabazo mumpera ziki cyumweru Rayon na AS Kigali niyihe izakira ? Uwaba abizi yatubwira


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru