Shampiyona y’icyiciro cya mbere igeze ku musozo, imikino yose irakinwa kuwa kabiri tariki ya 15/05/2012, amakipe araba arangiza imikino yayo ya nyuma uretse Isonga FC na Police FC zizakina umukino wikirarane kuwa gatanu tariki ya 18/05/2012.

I Rusizi ikipe ya Espoir yamaze kumanuka mu cyiciro cya kabiri irakira ikipe ya Nyanza FC iri ku mwanya wa 12 n’amanota 20.

AS Kigali iri ku mwanya wa 9 n’amanota 25 irakina n’Isonga FC iri ku mwanya wa 6 n’amanota 31.

Umukino wishiraniro urahuza Police FC na Mukura Vs, kuko Police FC iri ku mwanya wa kabiri n’amanota 47 iramutse itakaje amanota yahita iheba kwegukana igikombe cya Shampiyona nubwo izaba ifite undi mukino igomba kuzakina n’Isonga FC. Mukura Vs iramutse itsinze yagira amanota 49 igafata umwanya wa kabiri muri Shampiyona.

I Rubavu barasoreza ku mukino ukundwa na benshi uhuza Etincelles FC na Marines FC, Etincelles FC ikaba ibarizwa ku mwanya wa 8 n’amanota 25 naho Marines FC iri ku mwanya wa 7 n’amanota 28.

I Nyamagabe, Amagaju FC iri ku mwanya wa 11 n’amanota 22 itegereje kwakira Kiyovu Sports iri ku mwanya wa 5 n’amanota 38. Kiyovu Sports itaragiye i Huye gukina na Mukura Vs ku mukino wa shampiyona wo ku munsi wa 24.

Rayon Sports iri ku mwanya wa 4 n’amanota 43 irakira ikipe ya La Jeunesse iri ku mwanya wa 10 n’amanota 25.

Kuwa Kabiri tariki 15/05/2012

APR FC (yarangije imikino yayo)

Espoir FC vs NyanzaFC (Rusizi)

AS Kigali vs Isonga FC (Mumena)

Police FC vs Mukura Vs (Kicukiro)

Etincelles FC vs Marines FC (Stade Umuganda)

Amagaju FC vs Kiyovu Sports (Nyamagabe)

Rayon Sports vs La Jeunesse (Stade de Kigali)

Kuwa gatanu tariki ya 18/05/2012

Isonga FC vs Police FC