Kévin Monnet-Paquet uri gushakishwa n’Amavubi, kuri ubu akomeje kubica bigacika mu gihugu cy’Ubufaransa mu ikipe ya FC Lorient aho ku munsi wanyuma wa shampiona yongeye kwiyerekana.

Kévin Monnet-Paquet gutsinda igitego kimwe rukumbi ikipe ye yabonye ku munota wa 28 , umupira yari ahawe neza maze n’umutwe atsinda igitego cyiza.

Icyo gitego kikaba cyaje kwishyurwa na Pastore aho Tiago Motta yanaje kongeramo icya kabiri , PSG irangiza umukino ibonye amanota yayo atatu.

Kévin Monnet-Paquet wagiranye ibiganiro na perezida wa FERWAFA ubwo yari ku mugabane w’Uburayi yarangije shampiyona afite ibitego 7 mu mikino 35 yakinnye ya shampiyona yakinnye akaba yarabanjemo 33.