Rutahizamu Drogba umwe mu nkingi za Chelsea yagendeyeho ngo ibashe kubona ikuzo ku mugabane w’Iburayi ashobora kuyisohokamo muri iyi mpeshyi.

Nkuko ibitangazamakuru bikomeye ku mugabane w’Iburayi bitangaza yuko Drogba ashobora kwerekeza muri Shanghai Shenhua iri gutanga agafaranga gatubutse mu gihe mu ikipe ya Chelsea bakiri kwibaza niba bamwongera amasezerano.

Zimwe mu nshuti za hafi za Drogba ziremeza ko uyu musore yaba ashaka kwerekeza mu Bushinwa aho yagenda asize amateka meza mu ikipe ya Chelsea muri iki gihe amaze kugera mu za bukuru.

Roman Abramovich umuherwe wa Chelsea akaba yaratangarije abakinnyi ko kuri ubu aribwo ikipe ya Chelsea igiye kwiyubaka bikomeye hakaba hibazwa uko izuyubaka birenze ibyagiye bikorwa mu myaka yashize.