Kuri uyu wagatatu tariki ya 23/05/2012 nibwo ishyirahamwe ry’umukino w’amagare ku isi (UCI) ryatangaje abakinnyi bazajya mu mikino Olempike ya 2012 igomba kubera i London muri iyi mpeshyi.

UCI mu guhitamo abakinnyi hagiye harebwa amanota yabo kurutonde rwa UCI kuva tariki ya 23/05/2011 kugeza tariki ya 23/05/2012 kuri buri gihugu aho ibihugu bimwe byagiye bibona abakinnyi 3,2 cyangwa umwe.

U Rwanda rukaba rwabonye umukinnyi umwe ariwe Adrien Niyonshuti waje muri 50 bambere mu bagabo mu gihe mu bagore hazagenda 30.

Biteganyijwe ko irushanwa ryo gusiganwa mu mikino Olempike ryiswe " The Olympic mountain bike " rizatangira tariki ya 11/08/2012 rikarangira tariki ya 12/08/2012.