Kuva irushanwa rya UEFA Champions League ryabaho ni gake abakinnyi bakomoka muri Africa bagiye bigaragaza bagafasha amakipe yabo kuryegukana baticaye kuntebe y’abasimbura ahubwo bagize uruhare rugaragara.

Umukinnyi uherutse gutanga urugero ni Didier Drogba wafashije Chelsea kwegukana irushanwa ry’uyu mwaka batsinda Bayern Munich.

Ngaba abakinnyi 5 biragaje neza :

5. BENNI McCARTHY | South Africa & Porto

McCARTHY mu mwaka wa 2004 yarigaragaje cyane ubwo yafashaga ikipe ya FC Porto kwegukana iri rushanwa rya UEFA Champions League batsinze Monaco ku bitego 3 ku busa.

McCARTHY benshi bamwibukira kuburyo Porto yesezereye Manchester United ku kibuga cyayo aho McCARTHY yari yayizonze bikomeye cyane.

4. ABEDI PELE | Ghana & Olympique Marseille

Abedi wahawe akazina ka Pele kubera uburyo yatahaga izamu mu mwaka w’1993 nibwo yahesheje ishema ikipe ya Olympique Marseille ku gitego kimwe rukumbi cyari kivuye kuri koruneri yatewe na Basile Bolli baba begukanye igikombe batsinze AC Milan.

3. SAMMY KUFFOUR | Ghana & Bayern Munich

Mu mwaka wa 2001 nibwo ikipe ya Bayern Munich yatwaraga igikombe ibifashijwemo na myigariro wari ukomeye cyane wakomokaga muri Ghana ariwe SAMMY KUFFOUR.

2. DIDIER DROGBA | Cote d’Ivoire & Chelsea

Kuva muri 1/2 Drogba yarigaragaje ubwo basezereraga Barcelona, aza no gushimangira uruhare rwe atsinda igitego cyo kwishyura bakina na Bayern Munich ku mukino wanyuma aho arinawe wsinze penaliti yanyuma yahesheje igikombe Chelsea.

1. SAMUEL ETO’O | Cameroon, Inter & Barcelona

Eto’o ni umwe mu bakinnyi beza bakomoka muri Africa babayeho, aho mu mwaka wa 2006 ari we wafashije Barcelona gutwara igikombe cya UEFA Champions League hamwe no mu mwaka wa 2009 , mugihe mu mwaka wa 2010 arikumwe na Inter Milan yabashije kwegukana iki gikombe.