Mu ikipe y’igihugu y’Uburundi , Intamba mu Rugamba ibibazo bikomeje kwiyongera nyuma yaho abakinnyi bamwe bakina hanze bitabiriye imyitozo mu gihe abandi bo babyanze aho basaba ko ikibazo cyakemurwa mbere yuko bajya mu myitozo.

Ibi bikaba byatangiye ubwo abakinnyi biganjemo abakina mu Rwanda aribo : Karim Nizigiyimana (Rayon Sports), Amissi Cédric (Rayon Sports), Fuwadi Ndayisenga (Rayon Sports), Tambwe Floribert (Rayon Sports), Ndikumana Yamin Selemani (APR FC), Papy Faty (APR FC), Mavugo Laudy (Police FC), Kaze Gilbert a.k.a Demunga (Police FC) bitabiriye imyitozo nyuma y’ubwumvikane burebure.

Abandi bakinnyi bakina hanze biganjemo abakina ku mugabane w’Iburayi bo bakaba banz kwitabira imyitozo kubera ko ikibazo kitarakemuka ngo babone agahimbazamusyi kabo ( prime ).

Nubwo abamaze kugera i Bujumura ari 2 mu bakinnyi bakina Iburayi aribo : aléry Nahayo (La Gantoise ), Saïdo Ntibazonkiza (Cracovie Krakow ) ntibashaka kwitabira imyitozo na gato mu gihe ikibazo kitarakmuka.

Abandi bakinnyi bategerejwe akaba ari : Dugarry Ndabashinze (Racing Genk) , Habarugira David (Chypre), Omar Wage (Norvège) bose bitaganyijwe ko bagomba kugera i Bujumbura mu minsi ya vuba.

Ikibazo abakunzi b’Intamba mu Rugamba bakomeje kwibaza ni uburyo abakinnyi Saïdo Berahino na Gaël Bigirimana batahamagawe , ibi bikaba bituma hari amahirwe menshi ko Uburundi bwabura aba bakinnyi nkuko amakuru atangazwa n’abari hafi y’aba bakinnyi avuga ko bashobora gukinira DRC mu gihe batagaragarijwe ko bakenewe mu Intamba mu Rugamba.

Abakinnyi bahamagawe mu myitozo :

Abanyezamu :

NDUWIMANA Saidi (Athlético), BIHA Omar(Flambeau de l’ Est), NDIKUMANA Janvier(Norvège)

Myugariro :

NIZIGIYIMANA Karim, NDAYISABA Floribert(Rayon Sport), HAKIZIMANA Hassan , NIMUBONA Emery, NSABIYUNVA Frederick ( Athlético), HABARUGIRA David(Chypre) , NDUWARUGIRA Christophe, NDIKUMANA Yussuf (LLB Académic),KAZE Gilbert(Police) , MANIRAKIZA Haruna(Inter Star)

Mu kibuga hagati:

Papy Faty( APR),KWIZERA Pierre(Athlético), NDAYISENGA Fuadi(Rayon Sport), Moussa Ali, NZIGAMASABO Stève( Vital’o), Amissi Cédrick( Rayon Sport), NDABASHINZE Dugary(Genk)

Rutahizamu :

NDIKUMANA Selemani(APR), MAVUGO Laudit ( Police), Abdulrazak Fiston( LLB Académic) ,NZOHABONAYO Aimé(LLB Acédemic), Saidi NTIBAZONKIZA(Cracovie)