Abakinnyi bagiye kwitabira imikino y’igikombe cy’Uburayi 2012 bamaze gutangazwa , ariko hari icyo utari uzi ku bakinnyi 368 bazaba bakina imikino ya Euro 2012? Ninde mukinnyi muremure? Ninde mukinnyi muto mu myaka ? RuhagoYacu.com iraguha ibisubizo

Uburebure

Ikipe y’igihugu y’Ubudage niyo ishobora gukina imipira yo hejuru uretse ubwo bazaba bakina n’ikipa ya Croatia. Ikipe zombi zifite abakinnyi barebare hagati ya metero 1,85, hagati aho umukinnyi muremure akina mu ikipe ya Sweden yitwa Andreas Isaksson afite uburebure bwa metero 1,99.

Ibitego

Ikipe y’Ubuholandi niyo kipe yabashije kwinjiza ibitego byinshi kugirango ibone itikeya Euro 2012, ibitego 37, naho ikipe y’Ubugereki yo yinjije ibitego 14, gusa harimo ibitego 6 byatsinzwe n’abakinnyi bakina inyuma.

Klaas Jan Huntelaar, niwe mukinnyi watsinze ibitego byinshi ibitego 12, naho Miroslave Klose we yinjije ibitego 9.

Imyaka

Italy, Russia, RepublicIreland na Sweden nizo kipe zizaba zifite abakinnyi bakuze mu myaka kuko hafi ya bose bari hejuru y’imyaka 28, naho ikipe y’Ubudage niyo izaba ifite abakinnyi benshi bakiri bato.

Naho umuzamu ufite imyaka 37, w’Ubugereki Kostas Chalkias niwe mukinnyi muuru uzaba ari muri iyi mikino , Umuholandi ukina inyuma Jetro Willems niwe mukinnyi muto uzaba arimo ku myaka 18 y’amavuko gusa, nabasha gukina azaba ariwe mukinnyi muto ubashije gukina iyi mikino y’igikombe cy’Uburayi.