Inka yitwaYvonne yatorotse ikiraro cyayo mu ntara ya Baviere mu budage mu mpeshyi ishize ngo niyo igiye kujya ivuga uko imikino y’ubudage iri bugende muri Euro 2012 mbere yuko iba, nkuko bitangazwa n’abayobozi ba Gut Aiderbichl muri Autriche, baguze iyi mbyeyi nyuma yo gucika aho yabaga.

Aganira n’ibiro ntaramakuru bya Autriche APA, Bwritta Freitag, umuvugizi w’uru rwuri ruhuriwemo n’abadage n’abanya Autriche, rukaba runashinzwe kwita ku nyamaswa yagize ati :" Yvonne izajya ifora uko imikino y’ikipe y’ubudage mannschaft izagenda nkuko Paul le poulpe yabigenje mu gikombe k’isi giheruka muri 2010"

Ngiyo inka yitwa Yvonne ifite ikizami cya mbere tariki ya 8/06/2012

" Kuri Yvonne, ntakinini cyahindutse, izajya iza buri munsi mu rwuri, gusa aho kujyira ahantu hamwe ho kurishiriza izajya iba ifite habiri. "

Ikizami cya mbere kuri Yvonne kizaba kuri uyu wagatanu tariki ya 8 uku kwezi mu gitondo i Deggendorf muri Baviere ahabarizwa iyi nka. Izaba ifite uburiro bubiri, hamwe hari ibendera rya Portugal ahandi hari iry’Ubudage. Izi kipe zombi zizahura tariki bukeye bwaho tariki ya 09 mu mukino w’itsinda B.

Yvonne yaje guca ibintu mu itangazamakuru mu mpeshyi ishize nyuma yuko kimwe mu binyamakuru byo mu budage Bild kemeye gutanga ama euro ibihumbi icumi(10.000€), ku muntu uzafata iyi nka ari nzima.

Mu gikombe cy’isi giheruka, agasimba ko mu bwoko bw’amafi kabarizwaga ahitwa Oberhausen, mu burenjyerazuba bw’ubudage kari karataziriwe "Paul le poulpe" kaje kumenyekana ku isi yose nzima nyuma yo gufora uko imikino yose y’ubudage iri ranjyire ndetse n’uko umukino wa nyuma wahuje Espagne n’ubuholandi uri buranjyire. Gusa aka kanyamaswa kaje gupfa nyuma yaho.