Cristiano Ronaldo , rutahizamu wa Real Madrid na Portugal kuri ubu aranengwa n’abafana ba Portugal uburyo yarijije umwana w’umukobwa w’imyaka 10 wari uje kumusaba ko amusinyira (autographe) aramwirengangiza.

Ese intandaro yabaye iyihe ?

Uyu mukobwa ukiri mutoya yakurikiranye ikipe ya Portugal aho yakoreraga imyitozo maze abakinnyi baragije ajya gushaka uwo yikundira ngo amusinyira ariko Ronaldo amutera utwatsi arigendera !

Ibi byatumye umwana w’umukobww’imyaka 10 asigarana agahinda kenshi cyane ararira atashye abwira ise ibyamubayeho ko Ronaldo yanze kumusinyira kandi ntacyo atakoze ngo ashyigikire ikipe.

Kubabashije kubona ibyabaye aho , uwo mukobwa wari wambaye agapira keza ka Barcelona ngo niko katumye Ronaldo ukinira Real Madrid yanga kumusinyira maze akanamwirengangiza kubera amakimbirane ari agati y’aya makipe ahora ashyamiranye hamwe na Messi na Ronaldo bose bahora bahanganye.

Umubyeyi w’uyu mukobwa akaba yarababajwe n’ibyabaye aho yatangaje ko umukobwa we yatashye afite agahinda kenshi cyane yanacitse intege dore ko akunda Ronaldo kandi akaba yaranashyigikiye ikipe ye aho yanyuze hose.