Ikipe y’igihugu y’Uburundi, Intamba mu Rugamba ikomeje imyitozo aho bitegura kuzerekeza muri Zimbabwe, ahazabera umukino tariki ya 17/06/2012 wo kwishyura mu gushaka itike yo kujya mu mikino ya nyuma y’igikombe cy’afurika yo mu 2013.

Uretse abakinnyi Saido NTIBAZONKIZA, Aimé NZOHABONAYO, batakoze imyitozo abandi bari mu kibuga bakora imyitozo, ahagaragaye n’umukinnyi Mbanza Hussein w’ikipe ya Rayon Sports utarayikiniye kubera ikibazo cy’imvune yagize, akaba yaramaze gukira umutoza w’ikipe y’igihugu y’Uburundi akaba yamuhamagaye ngo asimbure Valery NAHAYO, ufite ikibazo cy’imvune.

Abakinnyi barimo bitwara neza kurusha abandi mu myitozo hari SOVA, Laudit Mavugo na Seleman Yamini nuwitwa Habarugira, barimo barerekana yuko mu makipe yabo bakoraga imyitozo yo kurwego rwo hejuru.