Kuri uyu uyu wa gatanu tariki ya 08/06/2012 nibwo irushanwa rya Euro 2012 ryatangiraga , irushanwa rigomba kubera muri Poland no muri Ukraine.

Nyuma y’ibirori , umukino wo gufungura iri rushanwa ukaba wahuje Poland mu rugo na Greece yegukanye iri rushanwa mu mwaka wa 2004, uyu ukaba wari umukino Poland yari yaje yizeye ko ishobora gutangira neza guna nyuma yaho iboneye igitego cyatsinzwe na Lewandowski ibintu byaje guhinduka aho umunyezamu Szczesny aboneye ikarita itukura nyuma yaho umukinnyi wa Greece nawe yari yabonye amakarita abiri y’umuhondo.

Ikipe ya Poland imbere y’abafana bayo ntago yabashije gukora ibyo yari yijeje abafana bayo dore ko ku munita wa 51 gusa Salpingidis wa Greece yahise yishyura igitego bari batsinzwe maze umukino urangira amakipe yombi agabanye amanota.

Muri iryotsinda A kandi ikipe y’Uburusiya yihanangirije Czech Republic ku bitego 4 kuri 1 mu mukino wari unogeye ijisho aho ikipe ya Czech Republic yahuye n’uruva gusenya mu ntangiriro z’umukino , aho nyuma y’iminota 25 gusa Uburusiya bwari bumaze kubabonamo ibitego 2.

Czech Republic ntako itagize ngo yishyure mu gice cya kabiri ariko biranga iza no gutsindwa ibindi bitego 2 mu gice cya kabiri nubwo Czech Republic yari yagerageje kugaruka mu mukino itsinda igitego ariko bikanga dore ko iminota 90 yarangiye ihawe isomo rya ruhago.

Kuri uyu wa gatandatu tariki ya 09/06/2012 hataganyijwe imikino yo mu itsinda B aho ikipe y’Ubudage irahura na Portugal mu gihe Holland iraba icakirana na Denmark.