Kuwa Gatandatu tariki ya 9/06/2012 nibwo hatangiye isiganwa ry’amagare mpuzamahanga ryo Kwita Izina Cycling Tour 2012 ku munsi wa mbera abasiganwa bahagurutse i Kigali berekeza mu Kinigi, uwahageze ari ku mwanya wa mbere ni Lagab Azzedine ukomoka mu gihugu cya Algeria, umunyarwanda Ruhumuriza Abraham ukinira ikipe ya Karisimbi yaje ku mwanya wa kabiri, ku mwanya wa gatatu hari Chabane Hichem.

Lagab Azzedine

Abakinnyi bafashe akanya gato ko kuruhuka bafata n’amafunguro batangira Etape ya kabiri aho bahagurutse i Musanze berekeza i Rubavu, umunyarwanda Ruhumuriza Abraham ahagera ari ku mwanya wa mbere yakoresheje isaha 1 n’iminota 33, ku mwanya wa kabiri wegukanwa na Lagab Azzedine wakoresheje isaha imwe n’iminota 33 n’amasegonda 3, uwa gatatu aba Hatfu Robel Gebremariam.

Ruhumuriza Abraham Ku munsi wa mbere aho abasiganwa bakoze Etape 2 irushanwa rirangiye Ruhumuriza Abraham ariwe wambaye umupira w’umuhondo wambikwa umukinnyi uri ku mwanya wa mbere, anambikwa umwenda w’ubururu uhabwa umukinnyi w’umunyarwanda witwaye neza, naho umunya Ethiopia Hatfu Robel Gebremariam niwe mukinnyi witwaye neza mu bafite imyaka mike, umunya Algeria Lagab Azzedine niwe mukinnyi urimo kwitwara neza ahazamuka.

Hatfu Robel Gebremariam

Ku cyumweru tariki ya 10/06/2012 abasiganwa bazahaguruka i Rubavu berekeza i Kigali aho isiganwa rizasorezwa.