Ku Cyumweru tariki ya 10/06/2012 nibwo hasojwe isiganwa ry’amagare mpuzamahanga ryo Kwita Izina Cycling Tour 2012.

Mu bihe byose kuva kuri Etape ya mbere ya Kigali- Kinigi, hanyuma Musanze-Rubavu, na Etape ya nyuma ya Rubavu-Kigali, Isiganwa ryegukanywe n’umunyarwanda Ruhumuriza Abraham wakiniraga ikipe ya Karisimbi, nyuma yo gukoresha ibihe bingana n’amasaha 9 n’iminota 12 n’amasegond 55, umwanya wa kabiri wegukanywe n’umunya Aligeria LAGAB Azzedine wakoresheje ibihe bihwanye n’amasaha 9 n’iminota 12 n’amasegonda 58, umwanya wa gatatu watwawe BIZIYAREMYE Joseph wakoresheje amasaha 9 n’iminota 13 n’amasegonda 2.

Ruhumuriza Abraham niwe munyarwanda witwaye neza kurusha abandi

LAGAB Azzedine wabaye uwa kabiri

BIZIYAREMYE Joseph

Abanyarwanda baje mu myanya 10 ya mbere

BYUKUSENGE Nathan yaje ku mwanya wa 5, BIZIYAREMYE Joseph wabaye uwa 7 muri rusange akaba ari nawe wegukanye waje ku mwanya wa mbere muri Etape ya nyuma yo kuva i Rubavu baza i Kigali, yakoresheje .

Biziyaremye Joseph atsinda Etape ya 3 Rubavu-Kigali

HABIYAMBERE Nicodem muri rusange yaje ku mwanya wa 8, HADI Janvier ku mwanya wa 9 na RUDAHUNGA Emmanuel yaje ku mwanya 10 muri rusange.

Etape ya gatatu ya Rubavu-Kigali

1. BIZIYAREMYE Joseph Rwanda KARISIMBI RWA 04h34’23’’

2. ATSBHA Getachew Equipe nationale ETHIOPIE ETH 04h37’09’’ 02’46’’

3. HATFU ROBEL Gebremariam Equipe nationale ETHIOPIE ETH 04h37’09’’

Uburyo amakipe yakurikiranye mu bihe byose muri Rusange

1. Rwanda KARISIMBI

2. Equipe Nationale ETHIOPIE

3. Equipe Nationale ALGERIE

4. Rwanda AKAGERA

5. Equipe nationale KENYA

6. Rwanda MUHABURA

7. Equipe Nationale TANZANIE

8. Equipe Mixte Africaine

Abayobozi n’Ikipe ya Karisimbi yegukanye umwanya wa mbere

Isiganwa ryo Kwita Izina Cycling Tour 2012 ryasorejwe kuri Stade Regional i Nyamirambo ahatangiwe ibihembo bitandukanye ku makipe yitwaye neza, bikaba abakinnyi babishyikirijwe n’abantu batandukanye, barimo Rica Rwigamba wari uhagarariye RDB akaba ayobora ishami rishinzwe ubukerarugendo, Bayingana Aimable Perezida w’ishyirahamwe ry’umukino w’amagare mu Rwanda (Ferwacy) hari kandi Intumwa ya Minisiteri ya Siporo n’Umuco Bugingo Emmanuel.