Ikipe y’igihugu y’u Rwanda y’umupira w’amaguru nyuma yo kunganya na Benin mu gushaka itike yo kujya mu gikombe cy’isi yo mu 2014, yakomeje imyitozo kuwa mbere no kuwa kabiri, ikaba ihaguruka i Kigali Kuwa gatatu tariki ya 13/06/2012 yerekeza mu gihugu cya Nigeria mu mujyi wa Calabar aho igiye gukina umukino wo kwishyura na Super Eagles ya Nigeria mu gushaka itike yo kwerekeza mu gikombe cy’Afurika cyo mu 2013 (CAN 2013) imikino izabera muri Afurika y’epfo.

Umukino ubanza amakipe yari yanganyije ubusa ku busa mu mukino wabereye kuri Stade Regional i Nyamirambo. Ikipe izitwara neza muri uyu mukino ikazahita ikomeza mu kindi kiciro cyo gukomeza gushakisha itike ya CAN 2013.

Umutoza Milutin Sredojovic Micho akaba yatangaje urutonde rw’abakinnyi 18 ajyanye nabo muri Nigeria.

Abakinnnyi 18 berekeje muri Nigeria

Abazamu: Jean Claude Ndoli ( APR FC ) Evaritse Mutuyimana (Police FC )

Abakina Inyuma: Salomon Nirisarike ( Atwerp mu Bubirigi ) Eric Gasana (APR FC) Jean Claude Iranzi ( APR FC ) Steven Godfroid (Wavuye mu Bubirigi) Emery Bayisenge ( Isonga FC) Jonas Nahimana ( FC Leopards muri Kenya)

Abakina hagati: Fabrice Twagizimana ( Police FC ) Tumaine Ntamuhanga ( Rayon Sports ) Haruna Niyonzima ( Yanga Africa muri Tanzania) Jean Baptista Mugiraneza ( APR FC )

Ba Rutahizamu: Meddie Kagere ( Police FC ) Olivier Karekezi ( APR FC) Bokota Labama ( Rayon Sports ) Dady Birori na Imran Nshimiyimana ( AS Kigali )