Mu gihe hano mu Rwanda benshi mu bafana bakomeje kwinubira umusaruro udahagije w’umutoza Micho, muri Kenya ho abafana baho barabyinira kurukoma nyuma yaho ishyirahamwe ry’umupira w’amaguru KTF ryahambirije umutoza Francis Kimanzi.

Imvano y’iri hambiririzwa rya Francis Kimanzi ni intsinzwi yakuye imbere ya Togo aya Kenya yabuze itike yo kujya mu majonjora ya kabiri yo gushaka itike y’imikino yanyuma ya CAN 2013.

Mu itangazo ryashyizwe ahagaragara n’ishyirahamwe ry’umupira w’amaguru muri Kenya nyuma y’inama ndende idasanzwe , hemejwe ko umutoza Francis Kimanzi asezererwa ku mirimo ye kubera umusaruo udahagije Harambee Stars imaze itaga mu marushanwa mpuzamahanga.

Nyuma yo guhambirizwa ku mirimo y’ubutoza Kimanzi akaba yagizwe umuyobozi wa tekiniki muri federation ya Kenya.