Mario Balotelli yongeye kwiyerekana ubwo yatsindaga ibitego 2 byatumye Ubutaliyani busezerera Ubudage muri 1/2 cya Euro 2012 ku bitego 2 kuri 1.

Nni umukino amakipe yombi yasaga nkayakaniye gusa ikipe y’Ubudage yaje kwibura mu kibuga kugeza aho byagaragariye buri wese ko irushwa hagati mu kibuga n’Ubutaliyani.

Ibitego bibiri bya Balotelli mu gice cya mbere ntibyoroheye Ubudage kuko bwakoze iyo bwabaga ariko bikaba iby’ubusa kugeza ku munota wanyuma ubwo Ozil yatsindaga penaliti ariko itagize icyo ihindura cyane kuko Ubudage bwahise busezererwa.

Kuri iki cyumweru tariki ya 1/07/2012 , Spain yasezereye Portugal izacakirana n’Ubutaliyani , amakipe yombi yari mu itsinda rimwe aho yari yanganyije kimwe kuri kimwe mu mukino wayahuje.