Ikipe ya Newcastle United iri hafi kurangiza ibijyanye n’igurwa ry’umukinnyi w’umurundi Gael Bigirimana ukinira ikipe ya Coventry.

Gael Bigirimana ufite imyaka 18 gusa amaze iminsi ashakishwa bikomeye cyane na Newcastle United ngo abe yaza muri iyi kipe ikunze kugira abakinnyi babana.

Uyu musore waje mu Bwongereza mu mwaka wa 2004 ari kumwe n’ababyeyi be bahunze intambara yaje kujya mu ikipe ya Coventry afite imyaka 11 gusa ubwo yijyanaga ku myitozo y’iyi kipe.

Uyu musore bigaragara ko afite impano idasanzwe muri ruhago mu ikipe ya Coventry umwaka ushize yitwaye neza aho yanakinnye imikino 18 abanza mu kibuga mu gihe indi yagiye asimbura.