Ikipe y’igihugu y’Ubuholandi ’umupira w’amaguru yabonye umutoza mushya

Ku nshuro ya kabiri mu buzima bwe bw’umupira w’amaguru - umutoza Luis Van Gaal yabonye akazi ko gutoza ikipe y’igihugu y’Ubuholandi kugirango akosore amakosa yigeze gukora nyuma y’imyaka 6 ubwo yatozaga Ubuhokandi bukabura itike yo gukina imikino ya nyuma y’igikombe cy’isi.

Nyuma y’igihe gito uwari umutoza wiyi kipe Bert van Marwijk yeguye ku mirimo ye nyuma yaho Ubuholandi bwitwaye nabi mu gikombe cya Euro 2012, umusimbura yabonetse ni - Luis van Gaal.

Van Gaal umutoza wa kera wa Ajax, Barcelona na Bayern Munich ni ubwa kabiri agiye gutoza ikipe ya Holland.

Nyuma yo kumwerekana imbere y’abanyamakuru batandukanye Van Gaal yatangaje yuko: "ati n’ibintu bikomeye cyane kubona ngirirwa ikizere cyo kongera gutoza ikipe y’igihugu y’Ubuholandi, ngo ni igihe cyo cyo gukosora ibitaragenze neza ubwo yayitozaga.

Uyu mutoza w’imyaka 60 y’amavuko yasinye amasezerano yo kuzageza mu gikombe cy’isi cyo mu 2014.